Popular Bible Verses from Ɔrɔmutɔnŋ kiri 3

Share

Sabu konanmini bataa bijɛ ma-i, ninki i ncin koŋ tɔri dantenŋ so-a Kirinŋ nɔɔritiŋ ki ja-i kì. Nka, Kirinŋ wɔ shɔɔrinŋ ki baraka ra, ŋì i konanmini ji-a koŋ telimaan a, a ɲaanfɛ ǹʼmaan a, sabu Yesu Kirisa kí ŋunsan-i arɔɔ bijɛ kiri bira.

Koŋ finŋ woo finŋ bili-i Yesu Kirisa ra, nini bataa i koŋ telimaan ni i Kirinŋ ɲaanfɛ arɔɔ bilinabi ki baraka ra, ŋì koŋ san-a koŋ nu kì.

Kirinŋ mìntiŋ ji-i saraka a. Koŋ wɔ̀ri bili-i niŋ saraka ki ra, ŋì nini wɔ bijɛ kiri wu san-i kí ra ntiŋ wu. Kirinŋ niŋ ma-i, ŋì i ǹʼji tu afinŋ telimaan a. Sabu waarinŋ fwuudemaan kiri ra, ǹʼwɔ tɔnsunfili ki baraka ra, ŋì i konanmini kiri wɔ bijɛ kiri kɔni kiri sali-li kì. Nka dɔɔ, Kirinŋ ǹʼji-i tu afinŋ telimaan a, ŋì i ɲaan wɔri konanmini tɛ, ntiŋ i ji koŋ telimaan a a ɲaanfɛ, a ntiŋ bili Yesu Kirisa ra.

Niŋ ɲaan ki tɛ, konanmini dantenŋ a jii kila Kirinŋ gbɛ awɔ sariya ki rasɔɔ ki baraka ra kì, sabu sariya ki i ncin-a konanmini i bijɛ ki tɔ.

Miŋ tu Kirinŋ wɔ wulu sɛbɛ ki i ǹʼbi-a ɲaan wɔ̀ tɛ tu : « Koŋ telimaan dantenŋ nmaŋ kì, hali koŋ tenŋ pe. Ɲakilitiŋ dantenŋ nmaŋ kì, koŋ dantenŋ Kirinŋ ceeli-la kì. Kí bataa fɔnimaan yɛ, kí saa shɔɔrinŋ ki pani-i arìmaŋ fan. Koŋ tɔri tenŋ bi shɔɔrinŋ ma-a kì, hali koŋ tenŋ pe.

Yibɛɛ i wulu wɔ̀ sunjo-a, niŋ i kaa tu : Konanmini ji-a koŋ telimaan a Kirinŋ ɲaanfɛ sariya ki rasɔɔ bira kì, duu bilinabi ki baraka ra.

Aayi dɛ! Yi bataa ka tɔ tu : hali konanmini kiri bataa ji purubitiiri i, Kirinŋ i sɛlitiŋ i, miŋ tu ǹʼsɛbɛ-i Kirinŋ wɔ wulu sɛbɛ kiri ru ɲaan wɔ̀ tɛ tu : « Miŋ kakan-i ŋi i tɔ koŋ telimaan a nʼdariwulu ki ra, niŋ fa, a kiti ki ji-a kwuru miŋ sun, ŋi i jii kila. »