Popular Bible Verses from Korɛntitɔnŋ kiri (1) 13

Share

Bidintɛ bi i konwɔtiŋ ciiru, ntiŋ tɔnsunfili-i, ntiŋ i bi shɔɔrinŋ ma-ni, tɛnbi ji-a ntiŋ nu kì, ntiŋ a yɛri ji-a kì, ntiŋ dumiŋ a yɛri ragbɛ-a kì. Ntiŋ i koŋ ɲaankwunbi ma-a kì, niŋ fa ntiŋ a tenŋ nafan ceeli-la kì. Ntiŋ tɔnkwulumaŋ di kì, ntiŋ tɛɛ tu-a a ciiru kì.

Ntiŋ i koŋ bataa wɔ pɔli tu-a ntiŋ tɛ waaci bataa ru, ntiŋ i bili-la bi bataa ra, bi tɔri tenŋ ntiŋ gbɛɛratɛɛ-ra kì, ntiŋ i bi bataa pa-ri a ra.

Ntiŋ a ciirudi-a bi kɛrimaan na kì, sɛli ki i ntiŋ ciirudi-a.

Ka bataa ciiru, finŋ wɔ̀ri kɔ-a kì, nini i bilinabi ki fa gbɛbilimaŋ ki, niŋ fa bidintɛbi ki i. Nka finŋ byaŋ kari ru, yìrì ru sinaŋ ki i bidintɛbi ki i.

Bidintɛ bi ki kɔ-a kì, nka cintɔnbi wulu kiri ra kɔ, wulu kwuru tɔri bi ki i ji-a kɔ, bitɔbi ki i ji-a kɔ mìŋ ɲaan tenŋ ki tɛ.

Hali míŋ ji konanmini ni wɔ wulu li bi-a fɔ ŋí i mɛlɛkɛn kiri wɔ bi-ri, a bidintɛbi ji míŋ nu kì, míŋ finŋ tɔri tenŋ i wulu gbansanŋ bitɔnŋ niŋ fa tɛniŋ wulu ciniŋ kì.

Hali míŋ ji cintɔnbi wulu bi-a, ŋí i bi radumaan kiri fa finŋ fɔn kwuru tɔ-ri, niŋ fa ńʼwɔ bilinabi ki i so-ri tɔnŋ ni jɔrɔkɔ san-i arì ta ru, a bidintɛbi ji míŋ nu kì, míŋ finŋ tɔri kì.

Hali míŋ ji ńʼgbɛɛrafinŋ kiri bataa wɔri-ra gbɛwɔ ri tɛ, niŋ fa ŋí i ńʼfiri ki wɔri tu ŋì bilituru kí bira, a bidintɛbi ji míŋ nu kì, niŋ a finŋ tɔri shɔ míŋ sun kì.

Ŋì i míŋ tu tiranbi ki ra, míŋ wuru wulu ki bi-a miŋ tu tiraŋ, ŋí i ńʼmiiri-ri miŋ tu tiraŋ, ŋí i bi kiri ja-ri miŋ tu tiraŋ. Nka míŋ na-i gbɛ, míŋ i tiranbi bi kiri tɔnbo.