Popular Bible Verses from Korɛntitɔnŋ kiri (1) 11

Share

Mìŋ ɲaan tenŋ ki tɛ, nufinŋ ki numaan ki kɔɔtɛ, ntiŋ i dunfɛnŋ kulu ki shi, ntiŋ i ǹʼbi : « Ka kulu ka i Kirinŋ wɔ tɔnwɔri ŋunaŋ ki i, ninwɔ̀ ki shi-i míŋ cunŋ ki baraka ra. Waaci woo waaci a ábɛɛ ji niŋ mwunu-na, á á ɲakilila bo míŋ bi tɛ. » Niŋ ki ra, a ábɛɛ ji ka bwuru ka nu-a, á i dunfɛnŋ ka mwunu-ni waarinŋ woo waarinŋ, ábɛɛ i Ŋuntiŋ ki beŋ ki sunjo-a, fɔ ŋì i ta so ǹʼpwulu na shikaŋ ki sun.

Míŋ ladaŋ wɔ̀ kila-i Ŋuntiŋ ki gbɛ, ŋí i ji ábɛɛ kali ǹʼwu, niŋ i kaa : cii wɔ̀ ru kí Ŋuntiŋ Yesu de-i koŋ jɛ kiri gbɛfɛ, ntiŋ bwuru ki shi-i, ntiŋ i baraka bi Kirinŋ tɛ, ntiŋ i ǹʼnucɛn cɛn. Ntiŋ i ǹʼbi : « Ka i míŋ firi ki i, ninwɔ̀ wɔri-i ábɛɛ bira, á tu, á i ka ma-ni, nwɔma á ɲakili i tu míŋ na. »

Niŋ ki ra, koŋ bataa a yɛri ciiru ki rufɔɔka shɔ, ntiŋ i kila ntiŋ i ka bwuru ka nu, niŋ fa ntiŋ i ka dunfɛnŋ ka mwunu. Sabu konwɔtiŋ bwuru ka nu niŋ fa ntiŋ i mwunufinŋ ka mwunu a miiribali ǹʼkɔri ki sun tu, Ŋuntiŋ ki firi ki i, nintiŋ Kirinŋ wɔ tɔnkwulu ki dɔri-i a yɛri wu a mabi ki wu.

Niŋ ki ra, a konwɔtiŋ Ŋuntiŋ ki wɔ fani wɔlinŋ ki nu, walima ntiŋ i a mwunu ǹʼwɔ jaakilaŋ ki ra ɲaan tɛ, nwɔ̀ nɔɔri bili-la Ŋuntiŋ ki sun kì, nintiŋ pɔli-i Ŋuntiŋ ki firi ki fa ǹʼcunŋ ki gbɛ.

Á ji míŋ nakitɔnŋ ni i, miŋ tu míŋ yɛrima ki i Kirisa rakitɔnŋ i ɲaan wɔ̀ tɛ.