Popular Bible Verses from Tiago 3

Share

Maibee matenek nebee mai hosi Maromak mak nee: moos, lori dame, laran maus, konsidera ema seluk, laran diak, foo fuan diak, gosta ajuda ema, la haree ba ema boot ka kiik, i la finjidu.

Se imi balu matenek hodi hatene dalan nebee loos, i komprende saida mak diak, saida mak aat, imi tenki moris loos i halo buat diak ho haraik aan, hodi hatudu katak matenek nee mai hosi Nai Maromak.

Toos nain nebee kuda fini, iha ikus nia hetan rezultadu diak, nunee mos ema nebee hatudu dalan ba dame, kleur-kleur sei haburas justisa.

Tanba bainhira ema sei iha laran moras i buka diak deit ba nia interese privadu, nia sei halo rungu-ranga ho hahalok aat oi-oin.

Ita uza ibun hodi hahii Nai Maromak, ita nia Aman. Ho ibun nee mos, ita foo malisan ba ema, maski Nai Maromak halo ema hanesan Nia Aan. Hosi ita nia ibun sai liafuan diak ho aat. Maun-alin sira, la bele nunee!

Ita bele kompara ibun hanesan ahi. Iha ita nia isin lolon, ita nia ibun nakonu ho buat aat, nebee estraga ita nia aan. Nee hanesan ibun lori ahi infernu nian hodi sunu motuk ita nia moris tomak.

Maibee la iha ema ida mak bele domina nia ibun. Tanba ibun nee aat, hanesan veneno nebee bele oho ema.

Maun-alin doben sira, imi barak hakarak hanorin sarani sira. Maibee hanoin didiak lai, tanba imi hatene katak, ema nebee hanorin sarani sira, Maromak sei tesi sira nia lia todan liu duke ema seluk.