Popular Bible Verses from Jenesis 41

Share

José hataan, “Nai liurai, hau la hatene buat ida. So Nai Maromak deit mak bele foo sai loloos mehi nia signifikadu. I Nia sei hatudu duni buat diak ba amu.”

I liurai dehan, “José nee, Nai Maromak nia Espiritu mak foo poder ba nia. Nee mak la iha tan ema seluk mak matenek liu nia.”

Depois liurai hatete ba José dehan, “Nai Maromak foo hatene buat sira nee hotu ba o. Nunee mak o matenek, i o nia hanoin liu ema hotu-hotu. Entaun agora hau foti o sai hau nia visi. Hau nia reinu tomak sei kumpri o nia orden. So hau mesak deit mak boot liu o.”

Bainhira nia hetan oan segundu, nia hatete tan, “Hau hetan terus barak ona iha fatin ida nee. Maibee Nai Maromak foo bensaun mai hau, nee duni hau hetan tan oan ida iha nee.” Nia mos tau naran ba labarik nee, Efraim.

José hatete, “Nai Maromak halo hau haluha tiha terus uluk bainhira hau sai hosi hau nia aman nia uma.” Nee mak nia tau naran ba nia oan primeiru nee, naran Manassés.