Popular Bible Verses from Apostolu sira nia Istoria 25

Share

Liu tiha nee, Festu hela mais-ou-menus loron sanulu iha Jerusalém, foin nia fila ba Sezareia. Ema Judeu balu tuir nia too iha nebaa. Iha aban fali, governador komesa tesi Paulo nia lia. Paulo foin tama ba tribunal, ema boot Judeu balu hamriik haleu nia, hodi foo sala todan oi-oin ba nia. Maibee sira la hatudu loloos nia sala saida.

Paulo defende nia aan dehan, “Senhor governador, hau nunka halo buat aat ida. Hau nunka kontra relijiaun Judeu nia lei. Hau la halo foer Nai Maromak nia Uma Kreda Boot. I hau mos la kontra governu Roma.”