Popular Bible Verses from 2 Pedro 2

Share

Ezemplu hirak nee hatudu katak, Nai Maromak salva ema nebee mak halo tuir Nia hakarak, bainhira sira hasoru tentasaun. Nia mos foo kastigu ba ema nebee mak moris la loos, hodi hein too tempu atu Nia tesi ema hotu-hotu nia lia.

Diak liu ema nee la hatene lia loos, duke nia hatene tiha maibee too ikus fila kotuk fali ba Maromak nia ukun fuan nebee hatoo tiha ona ba nia. Iha ema soe lia nunee: “Bainhira asu muta, nia rasik sei lambe fila fali.” Iha mos seluk dehan, “Fahi nebee foo hariis moos tiha ona sei duir aan fali iha tahu laran.”

Mestri falsu sira nee promete katak ema nebee tuir sira sei moris livre. Afinal sira rasik sai tiha ona atan ba sira nia hahalok aat. Tanba buat nebee mak ukun ema, ema nee sai atan ba buat nee.

Ema nebee konhese ona Nai Jesus Kristu ita nia Salvador, nia husik tiha ona buat aat iha mundu nee. Maibee se nia monu fali ba hahalok aat too hahalok nee ukun fali nia, entaun too ikus nia moris aat liu fali uluk nian.

Uluk profeta falsu mosu iha povu Israel nia leet. Nunee mos agora, iha mestri falsu iha hela imi nia leet. Sira sei hanorin doutrina falsu nebee lori ba mate, no mos nega ita nia Nai Jesus. Afinal Nia mak sosa kotu tiha ona ita. La kleur mestri sira nee sei rahun hotu.