Popular Bible Verses from 2 Pedro 1

Share

Ita konhese ona Nai Maromak. Tanba nee, hosi Nia kbiit rasik Nia foo mai ita saida deit mak ita presiza atu ita bele moris loos tuir Nia hakarak. Nia mos bolu ona ita sai Nia ema, tanba Nia mak Maromak forsa teb-tebes i diak duni. Hosi Nia forsa ho Nia diak nee mak Nia foo mai ita promesa nebee boot ho folin teb-tebes. Hodi Nia promesa nee mak ita bele livre tiha hosi hakarak aat hotu-hotu nebee estraga ema iha mundu nee nia moris, i ita nia laran bele sai santu.

Tanba nee imi tenki hakaas aan para moris loos para halo kompletu imi nia fiar. Moris loos ho hatene deit seidauk too. Imi mos tenki domina aan i hatene aguenta nafatin, i moris halo tuir Maromak nia hakarak. Laos nee deit, imi mos tenki laran diak ba imi nia maluk sira nebee fiar ba Jesus, i hatudu mos domin ba ema hotu-hotu.

Se hahalok diak sira nee hotu buras ba bebeik iha imi nia moris, entaun imi sei konhese diak liu tan ita nia Nai Jesus Kristu, i imi nia moris iha folin i la saugati.

Nee duni maun-alin sira, sai badinas liu tan para hahalok diak sira nee buras iha imi nia moris. Hahalok nee hatudu katak Maromak hili tiha ona imi i bolu tiha ona imi para sai Nia ema. Se imi moris nunee, imi sei la husik imi nia fiar