Popular Bible Verses from 1 Pedro 2

Share

Maibee imi laos nunee. Imi Nai Maromak hili tiha ona hodi sai Nia povu. Imi hanesan nai-lulik nebee mak serbii liurai. Imi hanesan nasaun ida nebee moris loos. Imi Maromak nia povu. Maromak hili imi nunee para imi bele konta sai buat diak nebee mak Maromak halo tiha ona ba imi. Tanba Nia mak bolu imi sai hosi nakukun hodi tama ba iha Nia naroman ida nebee furak teb-tebes.

Kristu rasik mak lori ita nia sala iha ai krus leten para ita nebee mate ba sala bele moris iha lia loos. Nia kanek sira nee mak kura ona imi. Uluk imi hanesan bibi malae nebee mak lao sala dalan. Maibee agora imi fila fali ona ba imi nia Bibi Atan, i Nia mak tau matan ba imi.

Uluk imi laos Nai Maromak nia povu, maibee agora imi sai ona Nia povu. Uluk imi seidauk simu Maromak nia domin, maibee agora imi simu ona.

Hanesan bebee ida nebee foin moris hamrook hakarak hemu susu been hosi sira nia inan, nunee mos imi tenki hamrook ba Nai Maromak nia liafuan. Tanba Nia liafuan hanesan susu been diak ba imi nia klamar, halo imi loron ba loron buras ba bebeik, iha imi nia salvasaun.

Maluk doben sira, imi nee ema lao rai deit, imi hela iha mundu nee la kleur ida. Tanba nee hau husu atu imi hadook aan hosi imi nia hakarak nebee aat, tanba imi nia hakarak aat sempre halo funu hasoru imi nia aan. Imi tenki hakaas aan para moris loos iha ema nebee laos judeu sira nia leet. Nunee, se sira duun matak imi, sira bele haree deit imi nia hahalok diak, i bainhira Jesus fila fali mai hosi lalehan, ema sira nebee laos judeu sira sei foti aas Nai Maromak nia naran.

Nunee imi ida-idak mos hanesan fatuk isin nebee moris, i Maromak hada dadauk imi hotu too imi hamutuk sai uma ida para Nia Espiritu hela. Maromak mos halo imi sai hanesan nai-lulik nebee moris ho laran moos hodi foo sakrifisiu espiritual ba Nia. I sakrifisiu nee Nia simu ho haksolok, liu hosi Jesus Kristu.

Tanba nee, soe tiha hahalok aat hotu-hotu! La bele bosok, la bele koalia oin ida hahalok oin seluk, la bele laran moras ema, i la bele hatete aat ema seluk.

Imi hakbesik ona ba Jesus Kristu. Nia hanesan fatuk isin nebee moris. Ema soe tiha fatuk nee, maibee Maromak hili Nia i konsidera Nia folin karun teb-tebes

Imi simu ona liberdade hosi Maromak. Nunee imi tenki moris hanesan ema nebee livre ona. La bele uza imi nia liberdade nee hodi halo fali buat aat, maibee moris hanesan Maromak nia atan.

Tanba Nai Maromak hakarak para imi halo buat nebee diak, atu ema beik-teen sira nebee mak la hatene buat ida, la iha liafuan ida atu koalia hasoru imi.