Popular Bible Verses from 2 CORINTIOS 5

Share

Ka at tmojbabl tiib jun xjal tuya Cristo, attzen jun acꞌaj tnaabl. Ya mintl nxiꞌ lpe tiꞌj tnaabl te ootxa, cuma ya kꞌiꞌntl jun tnaabl acꞌaj tuꞌn.

Kaaw Jesús mintiiꞌ texin til. Pero ja Dios aj kꞌonte cykil kil tibaj Jesús bix o penayinxin te kxel, tuꞌntzen jiquen koꞌ twitz Dios oj at kmojbabl kiib tuya Jesús.

Amale minaꞌxet toc ncyeꞌyena twitzxin, pero cnlaꞌya twitzxin tuꞌnj o tzꞌoc ke ncꞌuꞌja tiꞌ Dios.

Cykilcaj lu jatzen jun t-xtalbil Dios kibaj. Nejl aj kꞌoj koꞌ tiꞌ Dios, pero jax Dios e binchante tuꞌn tcyim Cristo twitz cruz, tuꞌntzen tbaj tilel kkꞌoj tuya Dios. Bix o tzaj tkꞌoꞌn Dios jwaakꞌena te kꞌumlte cye cykil xjal tuꞌntzen tweꞌ jcykꞌoj tuya Dios. Nxiꞌ nkꞌumena Dios e binchante o tzꞌoc Cristo tuj castiwa nuk tiꞌ cyil xjal. Nuk tuꞌnj tcyimlen Cristo tiꞌ cyil xjal o bint tuꞌn Dios tuꞌn tel ttzakpiꞌn ke xjal tuj castiwa. Jwaakꞌena o tzaj tkꞌoꞌn Dios, jaj tuꞌn t-xiꞌ nkꞌumena ja yol lu cye xjal.

Juꞌ tzunj inayena jun t-xel Cristo. Tuꞌn nyola, Dios ncubsan twitz cye cykil xjal tuꞌn cyoc tuyaxin. Inayena, t-xel Cristo, nchin kbaꞌna cye xjal: “Tuꞌnxit tweꞌ cykꞌoja tuya Dios,” ntz̈i.

E cyimtzen Cristo tiꞌ cykilca koꞌ tuꞌntzen miꞌn txiꞌ kjyoꞌntl nuk tikꞌch te kex, sino tuꞌntzen kajben tej xjal e cyim te kxel bix e jatz itzꞌjxin tuj cyamecy tuꞌntzen ttzaj tkꞌoꞌnxin kchunkꞌlal te junx maj. Ya miꞌntl chin jyona jwexa wajbila, sino nuk jaj tajbil Cristo. Juꞌ tzunj oj toc ncyeꞌyena cynaabl xjal, ya miꞌn chin octla te mlolte cynaabl tisenj tej yaaꞌn ocslal kena. Tej yaaꞌn ocslal kena, tuj nwitza mintiiꞌ tajbel Cristo, pero jaꞌlewe min cub nbisetla juꞌwa.

Tuꞌnj o tbincha Cristo wiꞌja, waja tuꞌn nxiꞌ lpeya tiꞌj ti tten tuꞌnxin, bix yaaꞌn te tajbel weya. N-el kniyꞌ tiꞌj tuꞌnj oc kꞌakꞌen tcꞌuꞌjxin kiꞌj, e cyimxin tiꞌ kil. E cyimxin te kxel. Juꞌ tzunj n-el kniyꞌ tiꞌj tisen e cyim cykilca koꞌ tuyaxin.