Popular Bible Verses from 2 CORINTIOS 4

Share

Juꞌ tzunj min tzꞌoc nkꞌon wiiba tiꞌj chicꞌaj, cuma pjel laꞌ alcye jun kꞌij, sino juꞌ n-oc nkꞌon wiiba tiꞌj minaꞌx tchicꞌajax, cuma ctemel te junx maj.

O tzꞌel nniꞌya tiꞌj ko jawel itzꞌj tuj cyamecy. Juꞌ tzunj min chin xyutꞌena tuj waakꞌena. Amale bajnent baj tipen nxumlala tuꞌnj cykilca n-oc wiꞌja, pero jax jaca kꞌij ncywix ncꞌuꞌja. Tej niyꞌx tuꞌn nxumlala jaꞌlewe yaaꞌn nimxix te ja twitzj ncotza cncamela laꞌ alcye jun kꞌij tuꞌnj qꞌuixcꞌaj niyꞌx wuꞌna tuj taakꞌen Cristo. Jqꞌuixcꞌaj niyꞌx tuꞌn nxumlala jaꞌlewe pjel tilel, pero tbaneyil j-acꞌaj nchunkꞌlal mintiiꞌ tbajlel.

Jaxte at nim wik qꞌuixcꞌaj n-oc weya, pero Dios n-onen wiꞌja tuꞌn miꞌn xcye wibaja. Bix juꞌx min tzꞌel nniꞌya tiꞌj tiken nuk tikꞌch nbaj wiꞌja, pero min nbaj ncꞌuꞌja tuj waakꞌena. Bix juꞌx nim nchi oc lpe xjal wiꞌja te yasl te weya, pero Dios min o cyaj tcyeꞌyen inayena. Bix juꞌx ma chin iyꞌ tzꞌaka cyuꞌn kꞌojlel wiꞌja, pero lux kena iꞌtza.

Yal weya, juꞌ kena nuk tisen jun wicyꞌil ajnintz bix yaaꞌn cyiw bix ncub pax. Pero tuj wicyꞌil at kꞌinemal, bix juꞌxsen weya kꞌiꞌn jun nintzaj wuꞌna. Jaj tpocbalj Cristo. Jwipemal tuꞌn tbint taakꞌen Dios yaaꞌn weya, sino te Dios, tuꞌntzen tchicꞌajax yaaꞌn inayena at wipemala tuꞌn tbint taakꞌen Dios, sino ja te Dios at nimxsen tipemal tuꞌn tbint taakꞌen wuꞌna.

Jaj taaw il ncawen twitz txꞌotxꞌ jaꞌlewe ncub tmos̈en cynaabl kej xjal yaaꞌn ocslal, tuꞌntzen miꞌn tzꞌel cyniyꞌ tiꞌj tpocbal jxin Cristo jawnex, jxin nyeecꞌan ke tiiꞌn Dios, cuma jaxin juniyꞌ tuya Dios.

Tuj tneel, tej nuk klolj taꞌ twitz txꞌotxꞌ, e xiꞌ tkbaꞌn Dios, “Tuꞌnxit ttxakan spiꞌyen,” tz̈i Dios. Tisen e cub naj klolj tej tul txakpaj spiꞌyen jatxe ootxa, juꞌxsen qꞌuelelj klolj twitz knaabl jaꞌlewe oj ttzaj tonen Dios ejooꞌ tuꞌn tel kniyꞌ tiꞌj. Bix oj tel kniyꞌ tiꞌj jawnexte Cristo, otktzen tzꞌel kniyꞌ tiꞌj jaxse jawnex Kman Dios, cuma ja Cristo yecꞌbil te ke ti tten Dios. Tuꞌn tzunja nchin kꞌumen weya tiꞌ Cristo.