Popular Bible Verses from 1 PEDRO 4

Share

Mas il tiꞌj, cꞌoquel cyakꞌ cyuyey cyey tuya cykil cycꞌuꞌja, cuma ka at tkꞌakꞌbil cycꞌuꞌja cyiꞌ cabtl, yaaꞌn cyiw tuꞌn tnajset cyil cyuꞌna.

Bix chi ajbenxa cye ocslal tuya laꞌ alcyej cyaakꞌena ma takꞌ Dios cyey, tuꞌn cyajbena te Dios, cuma o tzaj tkꞌoꞌn te jaca juun cyey tuya jun akꞌuntl baꞌn tbint cyuꞌna.

Ka ma tzaj tkꞌoꞌn Dios cyey tuꞌn t-xiꞌ cykꞌumena tyol cywitz ocslal, chi kꞌumenxita jaxxix tyol Dios. Bix ka ma takꞌ Dios cyey tuꞌn cyajbena cye cabtl, chi ajbena tuya cykil cyipena ma takꞌ Dios cyey, tuꞌntzen tjaw nimsaꞌn Dios tuj cykilca nchi binchana tuꞌn Jesucristo. Jawxit nimset tbi Dios, bix cawenxit te junx maj. Juꞌ ttena.

Pero ka ma tziyꞌx qꞌuixcꞌaj cyuꞌna cuma ocslalkey, miꞌn tzaj cychꞌixewa. Oꞌcx tuꞌn t-xiꞌ cykꞌoꞌna chjonte te Dios tiꞌj ocslalkey tiꞌ Cristo.

Ntzaj lkꞌe jkꞌij tuꞌn tbaj cykilca. Juꞌ tzunj, tenx cynaabla bix cwelxix cytzyun cyiiba, tuꞌntzen tbint cyuꞌna tuꞌn cynaꞌna Dios.

Key ocslal n-oc cyakꞌa weya, miꞌn chi jaw kleeꞌy oj n-oc pena cyiw cyiꞌja tisen jun kꞌakꞌ. Cꞌoquel qꞌuixcꞌaj cyiꞌja tuꞌn tel niyꞌbaj cyiꞌja, bix yaaꞌn jun wikxitl jlu. Oj nbaj jlu, chi tzalaja, cuma at cyoclena tuꞌn tiyꞌx qꞌuixcꞌaj cyuꞌna tisen e bint tuꞌn Cristo. Ka ma tziyꞌx qꞌuixcꞌaj tuꞌn tlaj cyocslabla tiꞌj Cristo, nim chi tzalajela oj tyeecꞌan tiib Cristo tuꞌn ttzyet tcawbil jawnex.

Cykꞌonxa posada cyxola, bix yaaꞌn tuya nbaj cycꞌuꞌja.

Juꞌ tzunj, oj tiyꞌ qꞌuixcꞌaj cywitza cuma taj Dios, miꞌn cyaj cycyeꞌyena tuꞌn cyokxenena cyiiba tiꞌj, bix tuꞌn cybinchana baꞌn, cuma jaxin binchalte cykilca, bix baꞌn tuꞌn toc ke cycꞌuꞌja tiꞌjxin.

Cuma iyꞌx qꞌuixcꞌaj tuꞌn Cristo tuya t-xumlal bix e cyim tuꞌn tchjet kil, juꞌ tzunj il tiꞌj tuꞌn tten jun cynaabla tisen te Cristo. Cuma tuꞌnj cymojbabl cyiiba tiꞌj tcyimlen Cristo, mintiiꞌtl cyaja tiꞌ il. Ma cyaj cykꞌoꞌna il tuꞌn cyxiꞌ lpey tiꞌj tajbil Dios cykilca kꞌij twitz txꞌotxꞌ, yaaꞌn tiꞌj cykilca taj cyxumlala.

Ka ma chi yasen xjal cyiꞌja cuma ocslalkey tiꞌj Cristo, chi tzalaja, cuma tcub jawnex Espíritu Santo cyibaja, smaꞌn tuꞌn Dios te yecꞌbil ttanem Dioskey. Xmucchaꞌn Espíritu Santo cyuꞌn xjal, pero cyey, njaw cynimsaꞌna tbi.