Popular Bible Verses from 1 PEDRO 3

Share

Miꞌn chi xoba cywitz xjal, sino nuket chi nimanxa Cristo tuj cyanema, cuma Kaaw. Bix binne cytena tuꞌn t-xiꞌ cytxꞌolbaꞌna cye xjal ka ma tzaj cykanen cyey tiken ma tzꞌoc ke cycꞌuꞌja tiꞌ Cristo. Pero chebe cykbanxa cye, bix tuya cynimbila cywitz. Cybinchama nuk jaj baꞌn, tuꞌn junx taꞌ cybinchbena tuyaj tzin tkbaꞌn cyanema. Ojtzen tchicꞌajax mintiiꞌ cypaltiya, ctzaaltzen cychꞌixew kej xjal nchi yasen cyiꞌja tuꞌn cybinchbena baꞌn bix cyocslabla tiꞌ Cristo.

Cykꞌoꞌnc cyipena tiꞌj tuꞌn tbint jlu cyuꞌna, cuma tzin tcꞌojlaꞌn Dios kej xjal baꞌn nbint cyuꞌn, bix tzin tbiꞌn Dios oj nchi naꞌn tiꞌjxin. Pero kej xjal kaꞌ nbint cyuꞌn, kaꞌke tuj twitz Dios,” tz̈i tyol Dios.

Miꞌn cybinchay nuk tuꞌn baꞌn cycyeꞌnquey. Cxebjil cywiꞌy, bix cycwencha oro, bix cyxbalena wiꞌyel, pero miꞌn tzꞌoc cykꞌoꞌna te cynimbil cyiiba. Mas il tiꞌj tuꞌn tocxix cycwenta tiꞌj cyanema, ka baꞌn bix ka yaaꞌn baꞌn. Tenxit cyanema maans bix txubtx. Pjel cyxbalena, pero cyanema tbanelxix, miꞌn baj, bix mas il tiꞌj jlu tuj twitz Dios.

Tzin tkbaꞌn tyol Dios cyjulu: “Alcye taj tuꞌn tten nim kꞌij twitz txꞌotxꞌ, bix tuꞌn tnoj tchunkꞌlal tuya baꞌn, il tiꞌj tuꞌn tcub ttzyuꞌn ttzi, tuꞌn miꞌn yolen yaaꞌn baꞌn, bix tuꞌn miꞌn cub tsbuꞌn juntl. Bix il tiꞌj tuꞌn tcyaj tcyeꞌyen jkaꞌ bix tuꞌn tbinchante baꞌn bix tuꞌn toc tipen tiꞌj tuꞌn tten tuj ttz̈yal cyuya xjal.

Yaltzen te cykilca key, chi bet-xita cykilcakey junx. At-xit cyanema cyxola, bix cꞌoquel cyakꞌ ocslal cyey, cuma tisen cyitzꞌen cyiiba tuꞌnj cyocslabla. Qꞌuelel cyniꞌya tiꞌj ka at il taꞌ juntl, bix chi oca maans. Miꞌn xeꞌlen cyuꞌna oj toc bint jun kaꞌ cyiꞌja bix oj cyoc yasen xjal cyiꞌja, sino cykanenx te Dios tuꞌn tkꞌonte jun baꞌn te cye. E tzaj ttxcoꞌn Dios ejeeꞌy tuꞌn ttzaj tkꞌoꞌn jun baꞌn te cyey. Juꞌ tzunj, cykꞌoꞌnxa jun baꞌn te cykilca.

Cxeꞌl nkanena cyey, ka ma tzꞌoc cykꞌon cyiiba tuꞌn cybinchantiya nuk jaj baꞌn, ¿nchi kꞌojlelpale xjal cyiꞌja? Min.

Bix il tiꞌj tuꞌn tcyaj tcyeꞌyen jkaꞌ bix tuꞌn tbinchante baꞌn bix tuꞌn toc tipen tiꞌj tuꞌn tten tuj ttz̈yal cyuya xjal.

Ka taj Dios, mas baꞌn tuꞌn tiyꞌx qꞌuixcꞌaj cyuꞌna tuꞌn tlaj jbaꞌn nbint cyuꞌna, twitzj tuꞌn tcub castiwa cyibaja tuꞌn tlaj jyaaꞌn baꞌn nbint cyuꞌna.