Popular Bible Verses from 1 JUAN 4

Share

Mintiiꞌ ttz̈i kiꞌj ka ma tzꞌoc cyakꞌ xjal ke. Ka tzꞌaklxix tkꞌakꞌbil kcꞌuꞌj juꞌwa, mlaytzen tten ttz̈i kiꞌj, cuma min ko ayon castiwa kiꞌj tuꞌn Dios. Ka min n-oc cyakꞌ xjal te jun xjal tisen taj Dios, attzen ttz̈i castiwa tiꞌjxin.

Key wuya nim n-oc cyakꞌa weya, te Dioskey, bix min ma cheꞌx lpey cyiꞌj xnakꞌtzal ẍtakꞌ, cuma at mas tipemal Espíritu Santo at cyuyey twitzj taaw il nchi oc lpe xnakꞌtzal ẍtakꞌ tiꞌj.

N-oc takꞌ Dios ke cuma tneel oc kakꞌ te Dios.

Key ocslal n-oc cyakꞌa weya, tzꞌocxit cyakꞌ kuya ke, tuꞌntzen tchicꞌajax tnaabl Dios kꞌiꞌn kuꞌn, cuma ka ma tzꞌoc takꞌ kiib ke, tzin tyeecꞌan jlu tcwal Dios koꞌ. Alcyej xjal n-oc cyakꞌ tcwal Dios te, ntyeecꞌantzen tcwal Dioste bix ttzkiꞌntzen ja Dios.

Alcyej xjal min n-oc cyakꞌ ocslal te, ntyeecꞌantzen min ttzkiꞌn ja Dios. Yaaꞌn tnaabl tisen tnaabl Dios, cuma n-oc cyakꞌ tcwal Dios te.

Yaaꞌn tzꞌaklxix tkꞌakꞌbil kcꞌuꞌj tiꞌ Dios. Pero ya te Dios tkꞌakꞌbil tcꞌuꞌj kiꞌj, tzꞌaklxix. E tzaj tsmaꞌnxin Tcwalxin kxol, tuꞌntzen tcyim te chojbil kil, tuꞌntzen tel tiiꞌn tkꞌoj Dios kiꞌj.

Key ocslal n-oc cyakꞌa weya, cuma e tzaj tyeecꞌan Dios tkꞌakꞌbil tcꞌuꞌj kiꞌj tuꞌnj ttzaj tsmaꞌn Tcwal tuꞌn tcyim te kxel, juꞌ tzunj ilxsen tiꞌj cꞌoquel kakꞌ kiib kxol.

E tzaj tyeecꞌan Dios tkꞌakꞌbil tcꞌuꞌj kiꞌj tej ttzaj tsmaꞌn junx Tcwal kxol twitz txꞌotxꞌ, tuꞌntzen kten kchunkꞌlal te junx maj tuꞌnj e bint tuꞌn Tcwalxin.

Ka ma txiꞌ tkbaꞌn jun xjal, “N-oc takꞌ Dios weya,” ka tz̈i juꞌwa pero n-el tiiqꞌuen juntl ocslal, ẍtakꞌ xjal lu, cuma ka min tzꞌoc takꞌ jun ocslal te baꞌn tuꞌn toc tcyeꞌyen, mlay bint tuꞌn toc takꞌ Dios te, cuma bajx tzꞌoc tcyeꞌyen.

Alcyej xjal nxiꞌ tkbaꞌn tuya cykil tcꞌuꞌj ja te Jesús Tcwal Dios, attzen Dios tuya, bix at tmojbabl tiib tuya Dios.

Bix yaaꞌn nuk oꞌcx jlu, bix jax juꞌx ma cyaj tkꞌoꞌn Dios ja ley lu ke: Alcyej xjal n-oc takꞌ Dios te, ilxsen tiꞌj tuꞌn toc cyakꞌ ocslal te.

Key ocslal n-oc cyakꞌa weya, miꞌn txiꞌ cyocslaꞌna tyol jaca xnakꞌtzal tzin tkbaꞌn tyolel Dioste. Oj nyolen jun xnakꞌtzal, cykꞌoꞌnc cyipena tiꞌj tuꞌn tel cyniꞌya tiꞌj ka nyolen tuꞌn Espíritu Santo bix ka min, cuma at nim xnakꞌtzal ẍtakꞌ nchi bet cyxol xjal. Tzꞌelxitzen cyniꞌya tiꞌj tyol jun xnakꞌtzal tiꞌj Jesucristo ka nyolen tuꞌn Espíritu Santo. Ka nxiꞌ tkꞌumen ul Tcwal Dios twitz txꞌotxꞌ bix oc te jun xjal, Jesucristo, tetzen Dios xnakꞌtzal lu.

Pero ka min nxiꞌ tkꞌumen jun xnakꞌtzal yaaꞌn Tcwal Dios te Jesús, yaaꞌntzen te Dios, sino junx taꞌ tyol tuya tyol nintzaj ẍtakꞌ xjal nkꞌojl tiꞌ Cristo. O cybiy ka tzul, bix kej nchi oc lpe tiꞌj ya eteꞌtl twitz txꞌotxꞌ.