Popular Bible Verses from ຈົດບັນຊີ 13

Share

ແລ້ວ​ກາເລັບ​ບອກ​ໃຫ້​ປະຊາຊົນ​ມິດງຽບ​ຕໍ່ໜ້າ​ໂມເຊ ແລະ ເວົ້າ​ວ່າ, “ເຮົາ​ຄວນ​ຈະ​ຂຶ້ນ​ໄປ ແລະ ຍຶດເອົາ​ດິນແດນ, ເພາະ​ພວກເຮົາ​ສາມາດ​ເຮັດ​ໄດ້​ແນ່ນອນ”.

ພວກເຮົາ​ເຫັນ​ຄົນ​ເນຟີລິມ (ເຊື້ອສາຍ​ຂອງ​ອານາກ​ທີ່​ມາ​ຈາກ​ເນຟີລິມ) ກໍ​ຢູ່​ທີ່​ນັ້ນ​ດ້ວຍ. ໃນ​ສາຍຕາ​ຂອງ​ພວກເຮົາ​ເອງ ເຮົາ​ເປັນ​ເໝືອນ​ຕັກແຕນ, ແລະ ພວກເຂົາ​ກໍ​ເບິ່ງ​ພວກເຮົາ​ເຊັ່ນ​ນັ້ນ​ຄືກັນ”.

ແຕ່​ຄົນອື່ນໆ​ທີ່​ໄດ້​ໄປ​ກັບ​ລາວ​ເວົ້າ​ວ່າ, “ພວກເຮົາ​ບໍ່​ສາມາດ​ຕໍ່ສູ້​ປະຊາຊົນ​ເຫລົ່ານັ້ນ​ດອກ; ພວກເຂົາ​ແຂງແຮງ​ກວ່າ​ພວກເຮົາ”.

ແລ້ວ​ພວກເຂົາ​ກໍ​ກະຈາຍ​ລາຍງານ​ໃນແງ່​ບໍ່ດີ​ທ່າມກາງ​ຄົນ​ອິດສະຣາເອນ​ກ່ຽວກັບ​ດິນແດນ​ທີ່​ພວກເຂົາ​ໄດ້​ໄປ​ສຳຫລວດ​ນັ້ນ. ພວກເຂົາ​ເວົ້າ​ວ່າ, “ດິນແດນ​ທີ່​ພວກເຮົາ​ໄປ​ສຳຫລວດ​ນັ້ນ​ກືນກິນ​ຜູ້​ທີ່​ອາໄສ​ຢູ່​ໃນ​ທີ່​ນັ້ນ. ປະຊາຊົນ​ທັງໝົດ​ທີ່​ພວກເຮົາ​ໄດ້​ເຫັນ​ມີ​ຮູບຮ່າງ​ສູງໃຫຍ່.

ພວກເຂົາ​ໄດ້​ລາຍງານ​ຕໍ່​ໂມເຊ​ດັ່ງ​ນີ້: “ພວກເຮົາ​ໄດ້​ເຂົ້າ​ໄປ​ໃນ​ດິນແດນ​ທີ່​ທ່ານ​ສົ່ງ​ພວກເຮົາ​ໄປ, ແລະ ດິນແດນ​ນັ້ນ​ກໍ​ອຸດົມ​ດ້ວຍ​ນ້ຳນົມ ແລະ ນ້ຳເຜິ້ງ! ເບິ່ງ​ໝາກໄມ້​ເຫລົ່ານີ້​ແມ!

ແຕ່​ປະຊາຊົນ​ທີ່​ອາໄສ​ຢູ່​ທີ່​ນັ້ນ​ມີ​ກຳລັງ​ແຂງແຮງ​ຫລາຍ, ເມືອງ​ຕ່າງໆ​ຂອງ​ພວກເຂົາ​ກໍ​ມີ​ປ້ອມປ້ອງກັນ ແລະ ກວ້າງໃຫຍ່​ຫລາຍ. ພວກເຮົາ​ຍັງ​ພົບເຫັນ​ເຊື້ອສາຍ​ຂອງ​ຄົນ​ອານາກ​ຢູ່​ທີ່​ນັ້ນ​ດ້ວຍ.

ຊາວອາມາເຫລັກ​ອາໄສ​ຢູ່​ໃນ​ເນເກັບ; ຊາວຮິດຕີ, ຊາວເຢບຸດ ແລະ ຊາວອາໂມ​ຢູ່​ເຂດ​ເນີນພູ; ແລະ ຊາວການາອານ​ອາໄສ​ຢູ່​ໃກ້​ຝັ່ງ​ທະເລ ແລະ ເລາະລຽບ​ໄປ​ຕາມ​ຝັ່ງ​ແມ່ນ້ຳ​ຈໍແດນ”.

ພວກເຂົາ​ກັບຄືນ​ມາ​ຫາ​ໂມເຊ ແລະ ອາໂຣນ ແລະ ຊຸມຊົນ​ຄົນ​ອິດສະຣາເອນ​ທັງໝົດ​ທີ່​ກາເດັດ​ໃນ​ຖິ່ນແຫ້ງແລ້ງ​ປາຣານ. ຢູ່​ທີ່​ນັ້ນ​ພວກເຂົາ​ໄດ້​ລາຍງາຍ​ຕໍ່​ໂມເຊ, ອາໂຣນ ແລະ ຊຸມຊົນ​ທັງໝົດ ແລ້ວ​ໄດ້​ນຳເອົາ​ໝາກໄມ້​ຈາກ​ດິນແດນ​ໃຫ້​ພວກເຂົາ​ເບິ່ງ​ດ້ວຍ.