Popular Bible Verses from ມີກາ 4

Share

ທຸກ​ຊົນຊາດ​ອາດ​ຈະ​ດຳເນີນ ໃນ​ນາມ​ຂອງ​ພະ​ຂອງ​ຕົນ, ສ່ວນ​ພວກເຮົາ​ຈະ​ດຳເນີນ​ໃນ​ນາມ​ຂອງ​ພຣະເຈົ້າ​ຢາເວ ພຣະເຈົ້າ​ຂອງ​ພວກເຮົາ​ຕະຫລອດ​ໄປ​ເປັນ​ນິດ.

ປະຊາຊາດ​ທັງຫລາຍ​ຈະ​ມາ ແລະ ກ່າວ​ວ່າ, “ຈົ່ງ​ມາ, ໃຫ້​ພວກເຮົາ​ຂຶ້ນ​ໄປ​ເທິງ​ພູເຂົາ​ຂອງ​ພຣະເຈົ້າ​ຢາເວ, ໄປ​ທີ່​ວິຫານ​ຂອງ​ພຣະເຈົ້າ​ຂອງ​ຢາໂຄບ. ພຣະອົງ​ຈະ​ສອນ​ວິຖີທາງ​ຂອງ​ພຣະອົງ​ໃຫ້​ພວກເຮົາ, ເພື່ອ​ພວກເຮົາ​ຈະ​ເດີນ​ໃນ​ວິຖີທາງ​ຂອງ​ພຣະອົງ”. ກົດບັນຍັດ​ຈະ​ອອກ​ມາ​ຈາກ​ຊີໂອນ, ຖ້ອຍຄຳ​ຂອງ​ພຣະເຈົ້າ​ຢາເວ​ຈະ​ອອກ​ມາ​ຈາກ​ເຢຣູຊາເລັມ.

ໃນ​ບັ້ນປາຍ ພູເຂົາ​ທີ່​ວິຫານ​ຂອງ​ພຣະເຈົ້າ​ຢາເວ​ຕັ້ງ​ຢູ່​ຈະ​ໄດ້​ຮັບ​ການ​ສະຖາປະນາ ໃຫ້​ເປັນ​ເອກ​ໃນ​ທ່າມກາງ​ພູເຂົາ​ທັງຫລາຍ; ວິຫານ​ຈະ​ໄດ້​ຮັບ​ການ​ຍົກ​ຂຶ້ນ​ເໜືອ​ບັນດາ​ເນີນພູ​ທັງຫລາຍ, ແລະ ຄົນ​ທັງຫລາຍ​ຈະ​ຫລັ່ງໄຫລ​ໄປ​ບ່ອນ​ນັ້ນ.

ພຣະອົງ​ຈະ​ຕັດສິນ​ຄວາມ​ລະຫວ່າງ​ຊົນຊາດ​ທັງຫລາຍ ແລະ ຈະ​ຢຸດຕິ​ກໍລະນີ​ຜິດພາດ​ໃຫ້​ຊາດ​ມະຫາ​ອຳນາດ​ທັງຫລາຍ​ທີ່​ຢູ່​ໄກ ແລະ ຢູ່​ໃກ້. ພວກເຂົາ​ຈະ​ຕີ​ດາບ​ຂອງ​ພວກເຂົາ​ໃຫ້​ເປັນ​ໝາກກະສົບໄຖ ແລະ ຕີ​ຫອກ​ຂອງ​ພວກເຂົາ​ໃຫ້​ເປັນ​ມີດຕັດ​ກິ່ງໄມ້. ຊົນຊາດ​ທັງຫລາຍ​ຈະ​ເຊົາ​ສູ້ຮົບ​ກັນ, ພວກເຂົາ​ຈະ​ບໍ່​ມີ​ການ​ຝຶກ​ສູ້ຮົບ​ອີກ​ຕໍ່​ໄປ