Popular Bible Verses from ລະບຽບພວກເລວີ 26

Share

ເຮົາ​ຈະ​ເດີນ​ທ່າມກາງ​ພວກເຈົ້າ ແລະ ເປັນ​ພຣະເຈົ້າ​ຂອງ​ພວກເຈົ້າ ແລະ ພວກເຈົ້າ​ຈະ​ເປັນ​ປະຊາຊົນ​ຂອງ​ເຮົາ.

ເຮົາ​ຈະ​ສົ່ງ​ຝົນ​ມາ​ຕາມ​ລະດູການ, ແລະ ແຜ່ນດິນ​ຈະ​ໃຫ້​ຜົນລະປູກ ແລະ ຕົ້ນໄມ້​ຈະ​ເກີດໝາກ​ຂອງ​ມັນ.

“ ‘ຖ້າ​ພວກເຈົ້າ​ປະຕິບັດ​ຕາມ​ຂໍ້ຄຳສັ່ງ​ຂອງ​ເຮົາ ແລະ ເອົາໃຈໃສ່​ເຊື່ອຟັງ​ຄຳສັ່ງ​ຂອງ​ເຮົາ

“ ‘ເຮົາ​ຈະມອບ​ຄວາມ​ສະຫງົບສຸກ​ໃນ​ດິນແດນ​ນັ້ນ ແລະ ພວກເຈົ້າ​ຈະ​ໄດ້​ນອນ​ພັກຜ່ອນ​ສະບາຍ ແລະ ບໍ່ມີ​ຜູ້ໃດ​ເຮັດ​ໃຫ້​ພວກເຈົ້າ​ຢ້ານກົວ. ເຮົາ​ຈະ​ຂັບໄລ່​ສັດຮ້າຍ​ອອກ​ໄປ​ຈາກ​ດິນແດນນັ້ນ ແລະ ດາບ​ຈະ​ບໍ່​ຜ່ານກາຍ​ມາ​ທີ່​ບ້ານເມືອງ​ຂອງ​ພວກເຈົ້າ.

“ ‘ເຮົາ​ຈະ​ເບິ່ງແຍງ​ພວກເຈົ້າ​ດ້ວຍ​ຄວາມປານີ ແລະ ເຮັດ​ໃຫ້​ພວກເຈົ້າ​ເກີດຜົນ ແລະ ມີ​ຈຳນວນ​ຄົນ​ເພີ່ມຂຶ້ນ ແລະ ເຮົາ​ຈະ​ຮັກສາ​ພັນທະສັນຍາ​ຂອງ​ເຮົາ​ທີ່​ໃຫ້​ໄວ້​ກັບ​ພວກເຈົ້າ.

ເຮົາ​ຄື​ພຣະເຈົ້າ​ຢາເວ ພຣະເຈົ້າ​ຂອງ​ພວກເຈົ້າ, ຜູ້ນຳ​ພວກເຈົ້າ​ທັງຫລາຍ​ອອກມາ​ຈາກ​ປະເທດ​ເອຢິບ​ເພື່ອ​ວ່າ​ພວກເຈົ້າ​ຈະ​ບໍ່​ຕ້ອງ​ເປັນ​ຂ້າທາດ​ຂອງ​ຊາວ​ເອຢິບ​ອີກ​ຕໍ່ໄປ; ເຮົາ​ໄດ້​ທຳລາຍ​ແອກ​ຂອງ​ພວກເຈົ້າ ແລະ ຊ່ວຍ​ໃຫ້​ພວກເຈົ້າ​ເດີນໄປ​ໄປ​ຢ່າງ​ສະຫງ່າຜ່າເຜີຍ.

ເຮົາ​ຈະ​ຕັ້ງ​ບ່ອນ​ສະຖິດ​ຂອງ​ເຮົາ​ທ່າມກາງ​ພວກເຈົ້າ ແລະ ເຮົາ​ຈະ​ບໍ່​ກຽດຊັງ​ພວກເຈົ້າ.

“ ‘ຢ່າ​ສ້າງ​ຮູບເຄົາລົບ ຫລື ສ້າງ​ຮູບ​ຈຳລອງ ຫລື ແກະສະຫລັກ​ຫີນ​ເພື່ອ​ຂາບໄຫວ້​ສຳລັບ​ພວກເຈົ້າເອງ ແລະ ຢ່າ​ວາງ​ຫີນ​ແກະສະຫລັກ​ໃດໆ​ໃນ​ດິນແດນ​ຂອງ​ພວກເຈົ້າ​ເພື່ອ​ຂາບໄຫວ້. ເຮົາ​ຄື​ພຣະເຈົ້າ​ຢາເວ ພຣະເຈົ້າ​ຂອງ​ພວກເຈົ້າ.

ພວກເຈົ້າ​ຍັງ​ຈະ​ໄດ້​ກິນ​ຜົນລະປູກ​ຈາກ​ການ​ເກັບກ່ຽວ​ໃນ​ປີ​ທີ່​ຜ່ານມາ​ໃນ​ຂະນະ​ທີ່ພວກເຈົ້າ​ຈະ​ຂະຫຍາຍ​ເລົ້າ​ສຳລັບ​ຜົນປູກ​ທີ່​ເກັບກ່ຽວ​ໃໝ່.

ພວກເຈົ້າ​ຫ້າ​ຄົນ​ຈະ​ຂັບໄລ່​ສັດຕູ​ເປັນ​ຈຳນວນ​ຮ້ອຍ ແລະ ພວກເຈົ້າ​ຮ້ອຍ​ຄົນ​ຈະ​ຂັບໄລ່​ສັດຕູ​ນັບ​ໝື່ນ ແລະ ສັດຕູ​ທັງຫລາຍ​ຈະ​ລົ້ມຕາຍ​ດ້ວຍ​ຄົມດາບ​ຕໍ່ໜ້າ​ພວກເຈົ້າ.

ຊ່ວງ​ເວລາ​ຟາດເຂົ້າ​ຈະ​ດຳເນີນ​ໄປ​ເຖິງ​ລະດູ​ເກັບ​ໝາກອະງຸ່ນ ແລະ ລະດູ​ເກັບ​ໝາກອະງຸ່ນ​ຈະ​ດຳເນີນ​ໄປ​ຈົນ​ເຖິງ​ລະດູ​ການປູກຝັງ ແລະ ພວກເຈົ້າ​ຈະ​ໄດ້​ກິນ​ອາຫານ​ຕາມ​ທີ່​ຕ້ອງການ ແລະ ອາໄສ​ຢູ່​ໃນ​ດິນແດນ​ຂອງ​ພວກເຈົ້າ​ຢ່າງ​ປອດໄພ.

ພວກເຈົ້າ​ຈະ​ຂັບໄລ່​ສັດຕູ​ຂອງ​ພວກເຈົ້າ ແລະ ພວກເຂົາ​ຈະ​ລົ້ມຕາຍ​ດ້ວຍ​ຄົມດາບ​ຕໍ່ໜ້າ​ພວກເຈົ້າ.

“ ‘ຈົ່ງ​ຖື​ຮັກສາ​ວັນ​ຊະບາໂຕ​ຂອງ​ເຮົາ ແລະ ເຄົາລົບ​ບ່ອນ​ນະມັດສະການ​ຂອງ​ເຮົາ. ເຮົາ​ຄື​ພຣະເຈົ້າ​ຢາເວ.