Popular Bible Verses from ລະບຽບພວກເລວີ 19

Share

“ ‘ຢ່າ​ຫາ​ທາງ​ແກ້ແຄ້ນ ຫລື ອາຄາດ​ຈອງ​ເວນ​ຄົນ​ໃດຄົນ​ໜຶ່ງ​ໃນ​ທ່າມກາງ​ປະຊາຊົນ​ຂອງ​ພວກເຈົ້າ, ແຕ່​ຈົ່ງ​ຮັກ​ເພື່ອນບ້ານ​ເໝືອນ​ຮັກ​ຕົນ​ເອງ. ເຮົາ​ຄື​ພຣະເຈົ້າ​ຢາເວ.

“ ‘ຢ່າ​ປາດ​ຮ່າງກາຍ​ຕົນ​ເອງ​ເພື່ອ​ໄວ້​ອາໄລ​ຄົນຕາຍ ຫລື ສັກ​ເຄື່ອງໝາຍ​ໃດໆ​ໃສ່​ຮ່າງກາຍ​ຂອງ​ພວກເຈົ້າ. ເຮົາ​ຄື​ພຣະເຈົ້າ​ຢາເວ.

“ຈົ່ງ​ແຈ້ງ​ຊຸມຊົນ​ອິດສະຣາເອນ ແລະ ບອກ​ພວກເຂົາ​ວ່າ: ‘ພວກເຈົ້າ​ທັງຫລາຍ​ຈົ່ງ​ບໍລິສຸດ, ເພາະ​ເຮົາ​ຄື​ພຣະເຈົ້າ​ຢາເວ ພຣະເຈົ້າ​ຂອງ​ພວກເຈົ້າ​ເປັນ​ອົງ​ບໍລິສຸດ.

“ ‘ຢ່າ​ມີ​ໃຈ​ກຽດຊັງ​ພີ່ນ້ອງ​ອິດສະຣາເອນ​ຢູ່​ໃນ​ໃຈ​ຂອງ​ພວກເຈົ້າ. ຈົ່ງ​ຕັກເຕືອນ​ເພື່ອນບ້ານ​ຂອງ​ພວກເຈົ້າ​ຢ່າງ​ກົງໄປກົງມາ ເພື່ອວ່າ​ພວກເຈົ້າ​ຈະ​ບໍ່​ຕ້ອງ​ມີ​ສ່ວນຮ່ວມ​ໃນ​ຄວາມຜິດ​ຂອງ​ພວກເຂົາ.

“ ‘ຢ່າ​ຫັນ​ໄປ​ຫາ​ໝໍຜີ ຫລື ຄົນທີ່​ປຸກເສກ​ວິນຍານ​ຄົນຕາຍ​ຂຶ້ນມາ, ເພາະ​ພວກເຂົາ​ຈະ​ເຮັດ​ໃຫ້​ພວກເຈົ້າ​ເປັນມົນທິນ. ເຮົາ​ຄື​ພຣະເຈົ້າ​ຢາເວ ພຣະເຈົ້າ​ຂອງ​ພວກເຈົ້າ.

“ ‘ຢ່າ​ທຽວ​ໄປ​ມາ​ໃສ່ຮ້າຍປ້າຍສີ​ທ່າມກາງ​ປະຊາຊົນ​ຂອງ​ພວກເຈົ້າ. “ ‘ຢ່າ​ເຮັດ​ສິ່ງ​ໃດໆ​ທີ່​ຈະ​ເກີດ​ອັນຕະລາຍ​ແກ່​ເພື່ອນບ້ານ​ຂອງ​ພວກເຈົ້າ. ເຮົາ​ຄື​ພຣະເຈົ້າ​ຢາເວ.