Popular Bible Verses from ປະຖົມມະການ 50

Share

ພວກເຈົ້າ​ຕັ້ງໃຈ​ເຮັດ​ຮ້າຍ​ຕໍ່​ເຮົາ, ແຕ່​ພຣະເຈົ້າ​ຕັ້ງໃຈ​ໃຫ້​ເກີດ​ຜົນ​ດີ​ດັ່ງ​ສິ່ງ​ທີ່​ເປັນ​ຢູ່​ເວລາ​ນີ້, ຄື​ການ​ຊ່ວຍ​ຊີວິດ​ຄົນ​ເປັນ​ຈຳນວນ​ຫລາຍ​ໄວ້​ໄດ້.

ແຕ່​ໂຢເຊັບ​ເວົ້າກັບ​ພວກເຂົາ​ວ່າ, “ຢ່າ​ຢ້ານ​ເລີຍ. ເຮົາ​ຢູ່​ໃນ​ຖານະ​ພຣະເຈົ້າ​ບໍ?

ດັ່ງນັ້ນ ຢ່າ​ຢ້ານ​ເລີຍ. ເຮົາ​ຈະ​ລ້ຽງດູ​ພວກເຈົ້າ ແລະ ລູກຫລານ​ຂອງ​ພວກເຈົ້າ”. ແລະ ໂຢເຊັບ​ກໍ​ໃຫ້​ຄວາມ​ໝັ້ນໃຈ​ແກ່​ພວກເຂົາ ແລະ ເວົ້າ​ຢ່າງ​ໃຈດີ​ກັບ​ພວກເຂົາ.

‘ນີ້​ແມ່ນ​ສິ່ງ​ທີ່​ພວກເຈົ້າ​ຈະ​ເວົ້າ​ຕໍ່​ໂຢເຊັບ​ຄື: ເຮົາ​ຂໍຮ້ອງ​ເຈົ້າ​ໃຫ້​ອະໄພ​ຄວາມບາບ ແລະ ຄວາມຜິດ​ທີ່​ພວກເຂົາ​ໄດ້​ເຮັດ​ຕໍ່​ເຈົ້າ​ຢ່າງ​ຮ້າຍແຮງ’. ບັດນີ້ ຂໍ​ທ່ານ​ໄດ້​ໃຫ້​ອະໄພ​ຄວາມບາບ​ຂອງ​ບັນດາ​ຜູ້ຮັບໃຊ້​ພຣະເຈົ້າ​ຂອງ​ພໍ່​ຂອງ​ທ່ານ​ດ້ວຍ”. ເມື່ອ​ຂໍ້ຄວາມ​ຂອງ​ພວກເຂົາ​ມາ​ເຖິງ​ໂຢເຊັບ​ແລ້ວ, ເພິ່ນ​ກໍ​ຮ້ອງໄຫ້.

ໂຢເຊັບ​ໄດ້​ເວົ້າ​ກັບພວກ​ອ້າຍນ້ອງ​ຂອງ​ເພິ່ນ​ວ່າ, “ເຮົາ​ກຳລັງ​ຈະ​ຕາຍ. ແຕ່​ພຣະເຈົ້າ​ຈະ​ມາ​ຊ່ວຍ​ພວກເຈົ້າ​ແນ່ນອນ ແລະ ພຣະອົງ​ຈະ​ນຳພາ​ພວກເຈົ້າ​ອອກ​ຈາກ​ດິນແດນ​ນີ້​ໄປ​ຍັງ​ດິນແດນ​ທີ່​ໄດ້​ສັນຍາ​ໂດຍ​ປະຕິຍານ​ໄວ້​ກັບ​ອັບຣາຮາມ, ອີຊາກ ແລະ ຢາໂຄບ”.

ແລ້ວ​ໂຢເຊັບ​ຈຶ່ງ​ຂໍ​ໃຫ້​ຊາວ​ອິດສະຣາເອນ​ກ່າວ​ປະຕິຍານ ແລະ ກ່າວ​ວ່າ, “ພຣະເຈົ້າ​ຈະ​ມາ​ຊ່ວຍ​ພວກເຈົ້າ​ແນ່ນອນ, ແລ້ວ​ພວກເຈົ້າ​ຕ້ອງ​ນຳ​ກະດູກ​ຂອງ​ເຮົາ​ອອກ​ຈາກ​ບ່ອນ​ນີ້”.

ໂຢເຊັບ​ໄດ້​ຕາຍ​ໄປ​ເມື່ອ​ອາຍຸ​ໄດ້ 110 ປີ. ແລະ ຫລັງ​ຈາກ​ທີ່​ພວກເຂົາ​ອາບ​ນ້ຳຢາ​ໃຫ້​ສົບ​ຂອງ​ເພິ່ນ​ແລ້ວ, ເພິ່ນ​ກໍ​ຖືກ​ວາງ​ໄວ້​ໃນ​ໂລງສົບ​ທີ່​ເອຢິບ.