Popular Bible Verses from Jóhannesar opinbering 6

Share

Og eg sá, og sí: «Bleikgulur hestur; og tann, sum á honum sat, navn hansara var deyði, og hel var í fylgi við honum; og teimum varð givið vald yvir fjórðinginum av jørðini, til at drepa við svørði og við hungri og við sótt og lata fólk umkomast av villdjórum á jørðini.

Og eg sá, og sí: Hvítur hestur; og tann, sum á honum sat, hevði boga, og honum varð fingin krúna, og hann fór út sigrandi og fyri at sigra.

Og tá ið tað læt upp fimta innsiglið, sá eg undir altarinum sálir teirra, sum høvdu verið dripnir fyri Guðs orðs sakir og fyri vitnisburðarins sakir, sum teir høvdu.

Og teir rópaðu við harðari reyst og søgdu: «Hvussu leingi, Harri, tú heilagi og sannorðaði, ætlar tú at bíða við at døma og at hevna blóð okkara á teir, sum á jørðini búgva?» Og teimum vórðu fingin, einum og hvørjum, long hvít klæði, og sagt varð við teir, at teir skuldu hvílast enn eina stutta tíð, inntil eisini samtænarar teirra og brøður teirra, sum skuldu verða dripnir eins og teir sjálvir, fyltu talið.

Og har kom út annar hestur, reyður, og tí, sum á honum sat, varð tað givið at taka friðin burtur av jørðini, og at teir skuldu drepa hvør annan; og honum varð fingið stórt svørð.

tí at komin er dagurin, hin stóri dagur vreiði teirra, og hvør er førur at standast?»

Og eg sá, tá ið tað læt upp sætta innsiglið, og har varð mikil landskjálvti, og sólin varð svørt sum hársekkur, og mánin varð allur sum blóð. Og stjørnur himmalsins fullu niður á jørðina, eins og fikutræ, sum er skakað av hørðum stormi, kastar sínar óstadnu fikur niður.

Og tá ið tað læt upp triðja innsiglið, hoyrdi eg triðju veruna siga: «Kom!» Og eg sá, og sí: Svartur hestur; og tann, sum á honum sat, hevði vekt í hondini á sær; og eg hoyrdi sum eina rødd mitt ímillum hinar fýra verurnar, sum segði: «Eitt mál av hveiti fyri denar, og trý mál av byggi fyri denar; men oljuna og vínið mást tú ikki skaða!»

Og himmalin hvarv burtur eins og bók, sum rullað verður saman, og hvørt fjall og hvør oyggj varð flutt burtur úr staði sínum. Og kongarnir á jørðini og stórmenninir og herhøvdingarnir og ríkmenninir og maktamenninir og hvør trælur og hvør frælsur maður fjaldu seg í hellum og í fjallahomrum.