Popular Bible Verses from Sálmarnir 139

Share

Eg tær lovi, tí á undurfullan hátt eg varð skaptur, undurfull verk tíni eru, og sál mín fullvæl tað veit.

Kanna meg, Guð, og kenn mítt hjarta, rannsaka meg og kenn mína hugsan! Vita, um eg gangi á glatunarvegi og leið meg hin æviga vegin!

Tí at tú hevur nýru míni gjørt, hevur meg vovið í móðurlívi!

Forløg míni eygu tíni sóu, og í tína bók vórðu skrivaðir allir teir dagar, ið avmáldir vóru, áður enn nakar av teimum var til.

Harri, tú meg rannsakar og kennir.

Hvar skal eg fara frá anda tínum, hvar skal eg flýggja frá ásjón tíni!

Hvørt eg siti ella standi, tú tað veitst, langt burtur mín ætlan er tær kunn.

Áður enn orðið er mær á míni tungu, tú, Harri, tað kennir til fulnar.

Hvørt eg gangi ella liggi, tú tað kannar, tú gjølla veitst um vegir mínar allar.