Popular Bible Verses from Fyrra Sámuelsbók 16

Share

Men Harrin segði við Sámuel: «Hygg ikki at útsjónd hans og høga vøkstri, tí at eg havi havnað honum; Guð hyggur jú ikki eftir tí, sum maður hyggur eftir; tí at maður hyggur at tí, ið væl stendur í eygunum; men Guð hyggur at hjartanum.»

Sámuel tók tá oljuhornið og salvaði hann, meðan hann stóð har millum brøður sínar. Frá teirri stund kom andi Harrans yvir Dávid. Síðan fór Sámuel á føtur og helt ferð síni til Ráma.

Sámuel segði nú við Ísai: «Eru hetta allir dreingirnir?» Men hann svaraði: «Enn er hin yngsti eftir; hann goymir at smalum.» Og Sámuel mælti við Ísai: «Send boð eftir honum, tí at ikki fara vit til borðs, fyrr enn hann er komin higar.»