Popular Bible Verses from ರೋಮ 2

Share

ಕತೋಬಿ ಅಲಾ ಮಾರೊ ದೋಸ್ತಿ, ಎಥ್ರಾನುಖ್ಹಾರು ಚ಼ಲಾವವಾಳಾನ ಉಪ್ಪರ್ ನ್ಯಾವ್ನುತೀರ್ಪ್‌ ಕರಾತೆ ತೂ ದೇವ್ನ ತೀರ್ಪ್‌ಥಿ ಬಚಿಗಯೊಕರಿ ಸೋಚಸ್ಕಿ ಶು? ಇನಿ ಘಣಿ ದಯಾಬಿ, ಖ್ಹಮಾಳಿಲ್ಯವಾನು ಅಜು಼ ಹಮೇಶಾನಿ ಶಾಂತಿ ಅನಖ್ಹಾರು ತೂ ಝಿಟ್ಕಾರಸ್ಕಿ ಶು? ದೇವ್ನಿ ಅಛ್ಛಿಗುಣ್‍ ತುನ ದಿಲ್‌ ಫರೈಲ್ಯಾವಭಣಿ ಚ಼ಲಾವ್‍ಶೆಕರಿ ಬೋಲಾನು ತುನ ಮಾಲುಮ್ ಕೊಯ್ನಿಕಿ ಶು?

ಇನಖ್ಹಾಜೆ ‘ಬಿಜ಼ ಅದ್ಮಿನಿ ಬಾರೇಮ ತೀರ್ಪ್‌ ಕರಾವಾಳೊ ಮಾರೊ ದೋಸ್ತಿ, ತೂ ಕೋಣ್‌ರ‍್ಹಿಯೋತೊಬಿ ತುನ ಇನೇಥಿ ಕ್ಷಮಾಕೊಯ್ನಿ. ಶನಕತೊ ಬಿಜೇಕ್‍ಜ಼ಣಾನು ಗಲತ್ನ ಢೂಂಡಾವಾಳೊ ಹುಯಿರೋತೆ ತೂ, ಇವ್ಣೆ ಕರಾತೆ ಇನಾಸ್ ತೂಬಿ ಕರಸ್. ಇನಖ್ಹಾಜೆ ತಾರುತೂಸ್ ಅಪರಾದಿ ಕರಿ ಸಾಬಿತ್ ಕರಿಲೇಸ್.

ಶನಕತೊ ದೇವ್, ಬೇದ್‌ಭಾವ್‌ ಕರಾಕೊಯ್ನಿ. ದೇವ್ ಹರೇಕ್‍ಜ಼ಣಾನ ಎಕ್ಕಸ್ ಆಳ್ತಿಮ ತೀರ್ಪ್ ದೇಸ್.

ಕೋಣ್‌ಬಿ ಖಲಿ ಧರ್ಮಶಾಸ್ತ್ರ ಖ್ಹಮ್‌ಜ್ಯುತೊ ದೇವ್ನಖ್ಹಾಮ್ಣೆ ನೀತಿವಾಳು ಉಶೆಕೊಯ್ನಿ. ಕತೋಬಿ ಧರ್ಮಶಾಸ್ತ್ರ ಬೋಲಾತೆ ಹರೇಕ್ನ ಪಾಡಿಚಾ಼ಲವಾಳುಸ್ ನೀತಿವಾಳುಕರಿ ಚೂ಼ಣೈಜಾ಼ಶೆ.

ಶನಕತೊ ದೇವ್ ಹರೇಕ್ ಜ಼ಣಾನಾಬಿ ಇವ್ಣ ಇವ್ಣ ಕಾಮ್ನ ದೇವ್ಣುತೆ ಇನಾಮ್ ದಿಶೆ.

ಕತೋಬಿ ಉಭ್‌ರ‍್ಯುತೆ ಅದ್ಮಿಖ್ಹಾರು ಶೊಂತ್‍ ಅಖ್ಹ್‌ಕರವಾಳು ಖ್ಹಾಚ಼ನಲೀನ್ ಚಾ಼ಲಾನು ಮ್ಹೇಲಿನ್ ಠಗಾವ್ಣಿನ ಲೀನ್ ಚಾ಼ಲಸ್ಕಿ ಇವ್ಣಪರ್ ದೇವ್‌ನೊ ಇರಾದೋಬಿ ಚ಼ಂಢಾಳ್‍ಬಿ ರಂಚ಼್‌ಶೆ.

ಕತೋಬಿ ತಾರೊ ದಿಲ್‌ ಮೊಂಡ್‍ಬಿ ಕಠಣ್ ಹುಯಿರುಸ್. ಇನಖ್ಹಾಜೆ ತುಮೆ ದೇವ್ನೊ ಇರಾದೊ ಅಜು಼ ನೀತಿಥಿರ‍್ಹವಾನು ನ್ಯಾವ್ನುತೀರ್ಪ್‌ನ ದನ್ಮ ತುಮೂನ ಉಷೇತೆ ನಿಶತ್ನ ಅಜೂ಼ಬಿ ಜ಼ಮಕರ್ತೊಹುಯಿನ್ ವಳೇಜಾ಼ಸ್.