Popular Bible Verses from ರೋಮ 1

Share

ಮಾರಿ ಸುವಾರ್ತೆನಿ ಬಾರೇಮ ಮನ ಪೂರ ಆತ್ಮ ವಿಶ್ವಾಸ್ ಛಾ಼. ಶನಕತೊ ಯೋ ಪಹಿಲೆ ಯೆಹೂದ್ಯರ್‌ನ ಇನಕೇಡೆಥು ಯೆಹೂದ್ಯಕಾಹೇತೆ ಇವ್ಣುನಾಸ್ ಕಾಹೆತೆ ವಿಶ್ವಾಸ್‌ಕರವಾಳ ಹರೇಕ್‌ನಬಿ ಆ ಸುವಾರ್ತೆ ರಕ್ಷಣೆನ ಉಬ್‍ಜಾ಼ವನಿ ದೇವ್ನಿ ಶಕತ್‍ಹುಯಿರ‍್ಹೀಸ್.

ಕಿಮ್‌ಕತೊ ದೇವ್ ಸುವಾರ್ತೆಥಿ ಅದ್ಮಿವೋನ ಇನಭಣಿ ಅಛ಼್ಛುಹುವಾನಿಘೊಣಿ ಕರಸ್. ಅಥ್ರಾನು ಸಂಬಂದ ಶುರುವಾತ್‍ಥು ಖ್ಹರ್ತಿಲಗೂಬಿ ವಿಶ್ವಾಸ್‌ನಪರ್‌ ಭೀರೆಸ್. “ಅಮ್‌ ನೀತಿವಾಳೊ ವಿಶ್ವಾಸ್‌ಥೀಸ್ ಜಿವ್‌ಶೆ” ಕರಿ ಪವಿತ್ರಪುಸ್ತಕ್ಮ ಲಿಖೈರ‍್ಹುಸ್.

ಕಿಮ್‌ಕತೊ ಡೋಳಾಮ ದೆಖಾವಕೊಂತೆ ಇನಿ ಚಾ಼ಲ್‍ಚ಼ಲಣ್‍ಅಖ್ಖು ಕತೊ ಇನಿ ಕದೇಬಿ ರ‍್ಹವಾನಿ ಶಕತ್‌ಬಿ, ದೇವ್ನಿಸ್ವಭಾವ್‍ಬಿ, ಜಗತ್‌ ಉಬ್‌ಜಾ಼ಯೋತೆ ಧರೀನ್ ಇನೆ ಕರ‍್ಯೊತೆ ಉಬ್‍ಜಾ಼ವ್ಣಿಥಿ ಯೋ ಮಾಲುಮ್‍ಪಡಸ್. ಅಮ್‍ ರ‍್ಹವಾಪರ್ ಇವ್ಣೆ ಖಿವು ಭಾಣುಬಿ ಬೋಲಾನ ಕೊಉಷೇನಿ.

ಶನಕತೊ ಇವ್ಣೆ ದೇವ್ನ ಮಾಲುಮ್ ಕರಿರಾಖ್ಯುತೋಬಿ ಇನ ದೇವ್‌ಕರಿ ಖ್ಹರಾಯುಕೊಯ್ನಿ ಇನಿ ಮದತ್‍ನ ಯಾದ್‌ಕರಿನ್ ಧನ್ಯವಾದ್ ಕರ‍್ಯುಕೊಯ್ನಿ. ಇನ ಬದಲ್ ಇವ್ಣ ಕೊಂತೆಕಾಮ್ಮ ಮಘನ್ ಹುಯಿಗು. ಅಕ್ಕಲ್‌ಕೊಂತೆ ಇವ್ಣೊ ದಿಲ್‌ ಅಂಧಾರೇಥಿ ಭರೈರ‍್ಹುಸ್.

ಇವ್ಣೆ ದೇವ್ನು ಖ್ಹಾಚ಼ನ ಝೂ಼ಟುಕರಿ ಬದಲೈಲೀನ್, ಉಬ್‌ಜಾ಼ಯೋತೆ ದೇವ್ನ ಆರಾದನೆ ಕರ‍್ಯುಕೊಂತೆ ಉಬ್‍ಜ್ಯುಹುಯ ರಾಛಾ಼ನಸ್ ಆರಾದನೆ ಕರ‍್ಯು. ಅಖ್ಖ ಹಗಾಮ್ಮ ಉಬ್‍ಜಾ಼ಯೊತೆ ದೇವ್ನಾಸ್ ಹಮೇಶ ಸ್ತುತಿ ಹುವಾದೆ, ಆಮೆನ್.

ಖರಾಬ್ ಚಾ಼ಲ್‌ಥಿ ಖ್ಹಾಚ಼ನ ಲಪಾಡವಾಳು ಹುಯಿರ‍್ಹುತೆ ಅದ್ಮಿವೋನು ಅಖ್ಖಿಥರಾನು ಭಕ್ತಿಕೊಂತೆ ಅಜು಼ ಪಾಪ್ನುಚಾ಼ಲ್ನ ಉಪ್ಪರ್ ದೇವ್ನು ಇರಾದೊ ಪರ್‌ಲೋಕ್‌ಥು ಉತ್ರಿನ್‍ ಆವಸ್.

ಇವ್ಣೆ ಅಥ್ರಾನು ಕರ‍್ಯುತೆ ಇನಖ್ಹಾಜೆ ದೇವ್ ಇವ್ಣುನ ರ‍್ಹೇವ್ಣುತೆ ಶರೀರ್‌ನು ಪರಕ್ನು ಸುಖಭೋಗ್‍ನ ಮ್ಹೆಂದಿನ್ ನಾಕರ‍್ನುತೆ ಶರೀರ್‌ನು ಪರಕ್ನು ಸುಖಭೋಗ್‍ನ ಕರಾನ ಮ್ಹೇಲ್ಯೊ. ಇಮ್ಮಸ್ ಪರ್ಖ್ಹೊ ಮ್ಹಾಮುಲಿನು ತಯೇಡಾನಿ ಶರೀರಿಕ್‍ ಭೋಗ್‌ನ ಮ್ಹೇಲಿನ್ ಇವ್ಣ ಇವ್ಣಾಮಸ್ ಖ್ಹರಮ್‌ಕೊಂತೆ ಕಾಮ್ ಕರಾಥಿ ಇವ್ಣುನ ಮಳ್‌ಣುತೆ ನಿಶತ್‍ನ ಲೀಲಿದು. ಶನಖ್ಹಾಜೆಕತೊ ಯೊ ಅದ್ಮಿಖ್ಹಾರು ದೇವ್ನಿ ಗ್ಯಾನ್ನ ಝಿಟ್ಕಾರ‍್ಯುತೆ ಇನಖ್ಹಾಜೆ ಇವ್ಣುನ ಪಾಪ್ನುಕಾಮ್‍ ಕರಾನ ಮ್ಹೆಲಿದಿದೊ.

ಇವ್ಣೆಸ್ ಗ್ಯಾನಿಕರಿ ಬೋಲಿಲಿನ್ ಇವ್ಣೆ ಬಿಣ್‍ಅಕ್ಲಿನು ಹುಯಿರ‍್ಹುಸ್. ಮಟಾಕೊಂತೆ ದೇವ್ನಿ ಮಹಿಮೆನ ಇವ್ಣೆ ನಾಶ್ ಹುಯಿಜಾ಼ಯಿತೆ ಅದ್ಮಿ, ಜಾನ್ವರ್‌, ಜಿನಾವರ್‌, ಖ್ಹವ್‍ಳಾತೆ ಕೀಡ್‌ಕಮ್ಟಾನ ಮೂರತ್ನ ಪೂಜ಼ಕರಲಗ್ಯು.