Popular Bible Verses from GAL 5

Share

Pa em Wis Kaa yǝn nhaasǝ ɓa, ǝn siso yauta, ma hur kuɗa wa, ma kaɗ hurhurto wa, ma sǝmmo, ma tom mbu kwalarito ɓa, ma tom mbu yǝsǝ yaɓ ɓa wa, ma tom ɓongtǝra wa, ma loo ɗuura wa, ɗǝm ma maɗuura wa. Ai, masaka ko yǝ saa tom mbusǝsa wa ra.

Senta naa ǝn siso, sǝ tom kaɗɗo ma lau Wiso wa. Me sǝ tom maaso, sǝ pǝta bǝɗ kaɗɗo ete ete wa ra.

Tomsǝ me ndǝ Wiso yǝ nandǝsǝ huurtu wa, aa lee Wiso yǝ bǝɗ ma ndase a kaɗɗo waando nsaad.

Nsaad ɓaa ɓǝsǝn u Almaseho Yeso wa, ɓǝ kwaakǝ kaɗɗo ete ete wan, ma mbu kwalakwala ɓolɓol u maabiri yǝn kurasǝ nɗeura ɓora wa.

Tinimsa kaɗɗo ete ete wa, yaa talte. Ən ɓosaa nga pepeto, ma tulato, ma senta tom mbu ɗuura nwaara ɓa, ma nyoo kwandamse wa, ma tirtirto, ma mbisi ɓaatǝ wa, ma kito, ma simba ɓaatǝ wa, ma kuɗa ɓeɓe ra, ma yau ɗuura wa, ma ɓaa ma ɓaatǝ wa, ma wo ma ɓaa ɗuuti wa a ɗaaso ɓeta wa, ma rǝmara, ma wee mbusa wa, ma mbukamsa wee mbusa wa, ɗǝm ma pepere mbusa ya. Nǝn wiinsǝ ngwee nga nǝ weesǝsǝ tommo tang wa me, ɓaa ɓǝn tomsǝ nkamǝra mbu sǝsa ra, ɓǝ taa kangge a kuɓsutu Kaa wa ra.

Ɓaata ɓǝna, ɓaa yarsǝ me sǝ kaɗ ɓaa ɓaa hikɓǝsǝ a hooto ɓa. Pa sǝ nhii nwaa ma nkamǝra kaɗɗo waaso siso ra, yǝsǝ kwaa sǝ bǝɗ kaɗɗo ete ete wa ra. Para sǝ tom hoota u ɓaatǝ wa a kaɗɗo yauta wa.

Mbu kwaasǝ ɓa, kaɗɗo ete ete wa yǝ yauwa ma Wiso ra, Wiso ɗǝm yǝ yauwa ma kaɗɗo ete ete wa ra. Senta raɓ sǝta ɓǝn simba ɓaatǝ. Ən siso mbu kwaasǝ sǝ nkaa sǝ tom mbu sǝn yausǝ me sǝ tom ɓa ra wa.

Ɓongtǝra, nsaad masaka Musa wa, ɓaa tǝmba a mara fin, u ǝn siso, “Aa yau andansaatǝre nyaange nga nkweerange wa.”

Ndǝ pǝta lee ndǝ kaɗ ɓan ma nik ɗuura ɓa ra, hana ɓan nik senta ɓaatǝ ɓa ra, hana ɓan tom rǝmara ɓaatǝ ɓa ra.

Mbu kwaasǝ Almaseho yǝ nkweetǝndǝsǝ a hooto wa, me ndǝ kaɗ ɓaa ɓaa hikɓǝsǝ a hooto ɓa. Me maaso, sǝ nǝɗ kwakwa, sǝ kong lee ɓaa ti nkweera saa a hooto ɗǝm nga ɓan tisǝ ɓot mor mbusa naa ɓa ra.