Popular Bible Verses from EPH 4

Share

Sǝ tom ɓaatǝ mbu kwalari ɓa, sǝ kura nyorataara ɓaatǝ ra, sǝ lee ɓaatǝ a senda nga Kaa yǝ lee sǝsǝ a senda wa kǝn, ma lau Almaseho wa.

Sǝ kaɗ nfee ma loo ɗuura wa ma nlaato ma sǝmmo, ɗǝm sǝ tomma kaɗɗo sǝmmo wa ma ɓaatǝ a yauta.

Sǝ kong lee mara kwalakwala kǝra yǝ fiɗ a ee yaase ɗǝm ra, pa sǝ kan mbu ka ti ɓaata ɓǝ mbar ɗǝm ɓǝ tom kokrok ɓa maɗ. Ma lau tommo maaso wa, kanmǝra ngaa kǝ kwasi ɓaa ɓǝn kurasǝ ɓa.

Sǝ ɓaa ma hana nkaamǝra kuɗa ɓeɓeto na ra nsaad, ma nik senta wa, ma ɗaama, ma kito, ma tǝblǝ ɗǝnda wa, ma hana nkaamǝra simbira nara.

Me sǝ tom ɗaaman, sǝ tom tenatenato ra. Sǝ kong lee ɗaama saa aa kan sorot a ɗikra ra, ɗǝm sǝ na Shaitan ɗǝɗa ra.

U nwa ǝn siso mbu ɓaa fǝɗkǝsǝsǝ ɓa, me sǝ lee kaɗɗo u maabiri sǝn tomsǝ tangtang wa, kaɗɗo u tǝblǝsǝ ma yau mbu nɗeura u nlaata wa. Sǝ lee Kaa yǝsǝ faki siko waaso ma senta saa aa tom nfiinfii. Sǝ to senda nfiinfii sǝra u ɓaa marsǝ nga u Kaa wa wa. Senda nfiinfii sǝra yǝ weɗɗa ma lau tom mbu yǝsǝ keke a wiiyo a Kaa ni ɓa, ɗǝm ma kaɗɗo ɗekɗekto wa.

Sǝ kweetǝ ɓong sǝ faɗ wiiyo ma kaɗɗo tǝmba ɗuura wa u Wis ɗekɗek wa ma lau hurhurto u yǝ tǝmbasǝsǝ ke wa.

Ndǝ saase yǝ na sǝ ɓaata me ɓǝ kaɗ ɓahona ɓisa, ɓaata ɓan nawanto ɓa, ɓaata ɓan nkee mara kwalari ra ɓa, ɓaata ɓan wanda ɓet bǝɗ Kaa ɓa wa, ma ɓan fǝɗkǝra ɓa. Yǝ tom maaso me, yǝ werkǝ ɓet bǝɗ Kaa ɓa me ɓǝ maa tom tinima ima, me aa mar maabiri Almaseho ya. Mbusǝsa kǝ se wiiyo maaso ndub me nsaad ndase ndǝ kanggan kaɗɗo fin a naɓongtǝra wa, ma kaɗɗo fin a maa Au Kaa ya wa. Ɗǝm ndǝ kang ɓaa ɓǝ kinisǝ ɓa, ndub me ndǝ kang kungsǝta nga Almaseho, yaa usu yǝ kungsǝra ya.

Tom mbusa maaso me ndǝ pǝta kang nga em ngeek ngeek ɓa ra, hana ndǝ kang nga ɓaa kǝɓǝn kǝrtǝ senta ɓosa papa ra ya, hana ndǝ kang nga ɓaa yorro fǝɗkǝra paara ra ǝn kǝrtǝ ɓǝ papa ya, hana ndǝ kang nga ɓeta u ɓaa ɓǝ weesǝ nuuwa ɓa, ɓǝn nlaa ɓǝ ɗǝm ɓǝn pǝk ɓǝ wa. Pa me maaso, aa lee ndǝ nkee ɓongtǝra a ɗuura Almaseho ra a ɗǝɗa yauta ra, ndǝ mbar a mbu ndǝn tomsǝ ɓa nsaad, ndub me ndǝ kinin nga an ndǝ wii u yǝsǝn Almaseho wa.