Popular Bible Verses from MATEUS 21

Share

Nongele mwi itaala, otamu pewa kehe tuu shoka tamu shi indile megalikano.”

Jesus okwe ya yamukula a ti: “Ongame tandi mu lombwele: Andola mu na eitaalo, ne itamu limbililwa, ando otamu vulu, hashika ashike sha ningilwa omukwiyu, ihe otamu vulu wo okulombwela ondundu ndjika: ‘Itumba po mpaka, u iyundulile mefuta,’ notashi ningwa.

Ano oongundu dhaamboka ya kwata komeho naamboka ye mu landula, oyi igidha mokule ya ti: “Hosianna, Omuna gwaDavid! Na lalekwe nuuyamba kuKalunga, oonguka te ya medhina lyOmuwa! Hosianna, gwokombandambanda!”

nokwa ti: “Okwa nyolwa: ‘Ongulu yandje oyi na okwiithanwa ongulu yegalikano,’ ihe ne omwe yi ninga ombogo yaayugi.”

“Lombweleni oshilando shaSion: ‘Tala, omukwaniilwa gwoye te ya kungoye. Oye omunambili a kayila okasino. Oye a kayila ontana, ona yokasino haka longithwa.’ ”

Jesus okwa ti kuyo: “Inamu lesha nani nando olumwe mOmanyolo, sho taku tiwa: ‘Emanya ndyoka aatungi ye li ekelehi, olyo lya ningi emanya li na esimano li vule agehe. Osha ningwa kOmuwa, nosha ningi oshikumitha momeho getu.’

“Onkee ano tandi mu lombwele. Otamu ka kuthwa Oshilongo shaKalunga e tashi ka pewa aantu haa imike iiyimati mbyoka ya pumbiwa.