Popular Bible Verses from JESAJA 30

Share

Nge tamu peguka mo mondjila mu ye kolulyo nenge kolumoho, otamu ka uva ewi konima yeni tali ti: “Ondjila oyo ndjika. Yi landuleni.”

Natango tuu Omuwa ota tegelele e mu sile ohenda. Okwi ilongekidha e mu sile olukeno, oshoka aluhe oha ningi ashike shoka shu uka. Aanelago oyo mboka ye mu inekela.

Omuwa Omupangeliawike, Kalunga kaIsrael omuyapuki, ota lombwele oshigwana ta ti: “Galukeni, itedhululeni ne mu inekele ndje meimweneneno, notamu kala mu na oonkondo e tamu hupithwa.” Ihe ne omwa tindi oku shi ninga.

Omuwa ote mu pititha momathimbo omadhigu, ihe oye mwene ta ka kala mo oku mu longa noitamu ka kala we noku mu konga.

Ne aantu mboka mwa kala muJerusalem, itamu ka lila we. Omuwa oye omunamutimahenda; uuna tamu mu kugile onkugo, ote mu kwatha.

Omuwa okwa popi a ti: “Yaye mboka haa lele Juda, oshoka oya tsile ndje ondumbo. Otaa landula oondunge inaadhi za mungame. Otaa hangana ehangano tali kondjitha ehalo lyandje nokundumbila oondjo mumwe.