Popular Bible Verses from JESAJA 11

Share

Ombepo yOmuwa otayi mu lambele, ombepo yowino noyoondunge, ombepo yomayele noyoonkondo, ombepo yuunongo noyokutila Omuwa — oye nota ka nyanyukilwa etilo okutila Omuwa. Iha pangula pakutala kwomeho, ye iha tokola pakuuva omauvila

Oshitutuma otashi tsapuka moshithindi shaIsai; noshitayi omomidhi dhasho e tashi imi iiyimati.

ihe ohu uthile oonakuhepa nuuyuuki nota popile uuthemba woohepele moshilongo Nohapu ye yoonkondo ota dhenge evi naakolokoshi ote ya dhipaga nomufudho gwomokana ke.

Uuyuuki owo epaya lyomombunda ye, uudhiginini noshili omuya gwomoombwetelo dhe.

Kondundu yandje ondjapuki itaku ka longwa uuwinayi nenge iikolokosha, oshoka evi otali ka udha okutseya Omuwa kwa fa omeya ga siikila efuta.

Embungu otali ka kala pamwe nokanzigona, nongwe tayi kala ya lala pokakombwena. Okatana nokankoshona otau napele pamwe, nokamati okashona take u litha.

Esiku otali ya, uuna oshitutuma shaIsai tashi ka ninga epandela lyiigwana. Iigwana otayi ka gongalela kuye, nonkalelo ye oyi na eopalo.