Popular Bible Verses from Лукас 19

Share

КӀуэдыпӀэм ихуа цӀыхухэр къигъуэтыжу къригъэлын щхьэкӀэщ ЦӀыхум и Къуэр мы дунейм къыщӀэкӀуар.

Абыхэм мыпхуэдэу жаӀэрт: «Зиусхьэным и цӀэкӀэ къытхуэкӀуэ пащтыхьыращ щӀыхьыр зейр! Уафэм мамырыгъэ щреӀэ! Уафэр зи хэщӀапӀэ Тхьэшхуэм псоми щӀыхь хуращӀ!»

– Нобэ мы унэм щӀэсхэри Тхьэм къригъэлащ, – жриӀащ Хьисэ Зэхей. – Мы лӀыри Ибрэхьим къытехъукӀахэм ящыщщ.

А жыгым гъунэгъу щыхуэхъум, Хьисэ Зэхей худэплъейри, мыпхуэдэу жриӀащ: – Зэхей, псынщӀэу къех жыгым, нобэ уи унэ сынихьэн хуейщ. Жыгым псынщӀэу къехыжри, гуфӀэгъуэр иӀэу, Зэхей Хьисэ иригъэблэгъащ.

Зэхей къэтэджри, Зиусхьэным мыпхуэдэу жриӀащ: – Зи щӀыхьыр ин, си мылъкум и ныкъуэр тхьэмыщкӀэхэм яхуэзгуэшынщ, зыгуэр къэзгъэпцӀамэ, къызэрызгъэпцӀам хуэдиплӀ естыжынщ.

ЦӀыхубэм яхэт фарисейхэм ящыщ гуэрхэм Хьисэ зыкъыхуагъазэри къыжраӀащ: – УщиякӀуэ, уи гъэсэнхэм я жьэр зэтрапӀэну яжеӀэ. – НывжызоӀэ, – жиӀащ Хьисэ, – абыхэм я жьэр зэтрапӀэмэ, мывэхэр макъышхуэкӀэ джэнущ.