Popular Bible Verses from 1 Korintiye 6

Share

Hwunaa leyə atɨ sɨsəwnə shafe da Pitɨ Ɗəmɗəmtə na? Həmɨnpwa nə vəwnə, nda nza vorsəwnə, aa yə hwunə nza nənəngəwnə, ɗərə mya ɗərtəwnə a lurəwnə. Gə ləngɨn ndukomdə Həmɨnpwa ka sɨsəwnə.

Hwunaa leyə atɨ myee aawa koɗə Həmɨnpwa wule mingɨn aa dɨ ɗɨm həmne dan ma? Ɓe hwunaa vwaka nəngəwnə, hwuna leyə atɨ myee dɨ ɗa sharawne, ka ji-koɗə pɨle, ka myee dɨ ɨl mandye, ka mandyee dɨ ɨl morye, ka moryee dɨ bi ka ndeyingrən moryi, ka mahərye, ka ji-nzumwe ka ji-kpasə mbale, ka myee dɨ lamdəha kɨɗa kwake, ka ji-dəməha, mingɨn kat aa dɨ ɗɨm həmne da Həmɨnpwa.

Hwoyəm gə sharawne gɨsəmgən ɓong-ɓong. Səhasa mbiɗi kat tam a sɨtə, shezə ma kana ɗa sharawne sɨsən nə nda dɨ kɨɗarə.

Ɓətɨ hwuna boyo atɨ, “Hɨnə ka humwatə na ɗa nagi ndo sə.” Kat ka angɨn aa nagi ndo sə nə ɓa gwadəha. “Hɨnə ka humwatə na ɗa nagi ndo sə.” Kat ka angɨn taa dɨ mwa asə a ɓweri na nza vor gbərəwe.

Həmɨnpwa a maddə Həmɨmiye Yesu gə we ka gətɨ dan, sə mgban ndi ɓa maddəm gə we ka myentə.