Popular Bible Verses from Juakoin kirjaine 3

Share

A ylähänpäi tulluh mielevys on enzimäzikse puhtas, sit rauhažu, hyväsydämelline da sobužu, täyzi armuo da hyvii ruadoloi, se ei eroittele rahvahii, eigo laittelei.

Ken teis on mielevy da ellendäi? Ozutakkah häi sen hyväl elaijal – dieloloil, kudamat on ruattu vagavazesti da mielevästi.

Rauhuon luadijat kylvetäh rauhuon siemen, da se siemen andau sualehekse oigien elaijan.

Sikse gu sie, kus on viha da riidelendyhimo, sie kai on segazin da on kaikkie pahuttu.

Kielel myö ylendämmö Ižändiä da Tuattua, i sil myö kiruommo rahvahii, Jumalan jyttymikse luajittuloi. Yhtes suus lähtietäh kiitändy dai kiruondu. Nenga ei pie olla, vellet.

Kieli sežo on tuli. Meijän rungas se on viäryön muailmu. Se rikkou kogo rungan, se sytyttäy tuleh meijän elaijan rattahan, iče on virinnyh uaduspäi.

no kieldy ei voi kezevyttiä ni yksi ristikanzu. Se on piettelemätöi da paha, täyzi tappajua juaduu.

Vellet, äijil teis ei pidäs ruveta opastajikse. Tiijättöhäi, meidy opastajii ruvetah suudimah kovembal suvvol.