Popular Bible Verses from Гал 6

Share

Порым ышташ мыланна нойыман огыл, огына лушко гын, шке жапыштыже лектышыжым тӱредына.

Тугеже, але жапна улмо годым чылалан, поснак ӱшанымаш гоч мыланна иза-шольо ден ака-шӱжар лийше-влаклан, порым ыштышаш улына.

Икте-весыдан нелылыкым нумалза, тыге те Христосын законжым шуктеда.

Йоҥылыш ида лий: Юмо вурсалтмашке ок лек. Айдеме мом ӱда, тудымак тӱредеш.

Шкенжын кап ден чонышкыжо ӱдышӧ – кап ден чон дечак пытымашым тӱредеш, а Шӱлышыш ӱдышӧ – Шӱлыш деч курымашлык илышым тӱредеш.

Иза-шольо-влак, айдеме иктаж-могай сулыкыш пура гын, те, Шӱлыш почеш илыше-влак, тыгай еҥым тыматлын тӧрлатыза, но шкеат алгаштаралташ огыл манын шекланыза.

Кӧ, нимо огыл гынат, шкенжым ала-кӧлан шотла, тудо шкенжым шке ондала. Тек кажне шке пашажым терга, тунам моктымашыже весын пашажлан огыл, а шкенжынлан гына лиеш. Кажне шке нумалтышыжым наҥгайышаш.