Popular Bible Verses from Penameyaya ei 9

Share

Go repo aleme na-koyae repaare monde nimuna kimi wari alenu repara yainya pa pa eiri puameya. Koae remonu repara pange golo pange silipa pange boronisi pange kana pange repaname wari alenu repara yainya pame. Go yainya puaeme alenuri pora na-pu pange olemole na-ando pange angele na-pangeme alenuyapare golere pa yainya pa eiri puame. Nimumi ali pa liiari polame pange romo neambu pa eiri polame pange wenaali lapo pake nari polame pange olemolenu pake pa nari pu aluameyanda nimuna pu rombanu na-ropo pame.

Ande londo para pirumare komboronu ora andapu suna epa. Go komboronu nimuna purinuri kaalainuna puri manda. Godeme go komboronu para gupi la alaya. Kanga reke leale repana pange nomanu menda ora na-waralepape laya. Nimumi mara pala peme alenuri ande Godena pare au nimuna wenona na-ridimi wenaali komea mara palepape la alaya.

Go au pumare ande supupa eindiolome nipuna bu kenange liia. Go au pumare kumba danga menda suna lopa ei andawa. Go kumba dangamere monde koae remonu pirinaya kuda punyae nekana ki siamba aripa.

Monde komboronumi go wenaali diapape pi na-laya. Go au na-piri nimu rendaa kapona sumba mendane ki pu ma-alepape laya. Go rendaare ande kaalainumi poalemenda naleme rendaa manda.

Mo nimu andere-aya auri kini ali mendame pea. Go aliri ande koae remonu pimi para kuda punyae andasu andere pia eindiolo. Go ali nipuna bi mo Iburu anda angelemere Abadoni leme. Mo Giriki angelemere gore Apolioni leme. Go leme eiri gore olemole ma-koyao-aya ali loa leme.