Popular Bible Verses from Penameyaya ei 19

Share

Naame raname ora waru komaminya. Nipu ora andaa ali ayanda nipuna bi minyasiaminya. Akepeare ande Sipisipi mename nipuna wena mula pea naare ipula. Gupuma nipuna wename pange lele puma pirande.

Nipuna mandaa akana pange pala mandaare Kini alinuna Kini pange Realinuna Reali wape pameya.

Gupuma epeni anda pora lomba ei neme andawa. Gupuma yaakopi osi mena andawa. Mo osi mandaa piraya Aliri ora aunu pange ora rendepona au puaya Ali loaeme. Nipumi wenaali rali pulamere ora rendepona rali puaya. Gupuma nipu yanda pulamere ora rendepona rupa puaya.

Nipuna leere kalo rumboma repana lengame andaya. Gupuma nipuna kalunare kini alinuna kalu ranguna ora andapu andapaya. Nipu mandaa bi menda wape paya. Go biri mendame kone na-wiapare nipuna komea kone wia. Mandaa yamaya akare weeme koyoma rumbaya. Nipuna biri Ande Godena Angele leme.

Nipuna angaa parare ora nee waru ae banasi rai opopao epa. Go rai ma-pamualo arare andayaya raayo lu rambualia. Gupuma nimu ora puri pale rupa andere pirape eina Godeme puri adea. Nipumi monde waini ipa muame para waini kili rakupi rambualia. Go au pi eiri ande Gode ora puri waru pale alina rono pangala ei.

Ande rarane ale ange go alena lee rona na-ande aunu puma makirae aunu puae poropedi ali raida dipula mea. Go na-ande aunu pa eimiri go au pa. Ande go rarane ale manda mea repana kaneme wari ale para yainya puae repaa pange ande rarane alena maka nimuna dona lu ma-pirao-aisimiya wenaali makirao aripa. Ande rarane ale pange yayapi angele waloae poropedi ali raidipuna pa pirapale mo salopa lee dangame ralo ae repana para Godeme ma-loparipa.