Popular Bible Verses from Penameyaya ei 17

Share

Go repaa raayore ande Sipisipi menasi rapu yanda pilimi. Go peapare ande Sipisipi menamere nipuna wi la mea repaa pange mea repaa pange nipuna angele pangoaeme repaa rapu ara lu rambualimi. Akepeare nipuri kini alinu raayona Kini aya pange andere pimi alinu raayona Reali aya.

Ande mendane ki pereya mendana laapo koponu sia arimi eindiolo mendame ni para gupi la. Monde bi wi ali pake noae wena rendaa ada peme rupa andainya ipuae la. Go pake noae wenare ande e loaeme andaa anda ipa andapuna reena eleme.

Ande rarane alere ambalare endoma aripa. Go peapare ambiare dia. Nipu nonde koae remonu pirinya kuda punyae anda aoma epelea. Go au puma Yesumi lu ma-komalia. Go su yaa ambe na-wari ara Godeme ande Endoaya Bukana bi na-wape pi repaare go rarane ale andeleme. Gupuma nimumi rungulu mealo pambeleme. Ambalare nipu endoma aripapare ambiare dia. Go peapare werepe wala opopalia.

Nipuna weno mandaare bi menda kundiripi angele wia ei menda wape paya. Go angelenuna reere gore go loma wape paya. Poya loaeme Babiloni. Neere ali pake noae pange koae koae aunu raayo go suna wida aunu raayona ree.