Popular Bible Verses from Penameyaya ei 11

Share

Gupuma ande mendane kina laapopa eindiolome nipuna bu kenange liia. Go pa dinare so epeni nane angele ora andapu lalo ara gupi lame. Ande go suri naana Reali Gode pange nipuna Keriso nipuna ei lame. Gupuma Kerisome ora pa andere ari pea lame.

Ande nena angele na-mi wenaalimi rono pangame. Akepeare nena rono pangola pele di epande. Ande komeme wenaali rali pula pele di pange epa. Ande nena pupudengi nao-aeme poropedi ali pange ande nena rolo para panda puma yainya puaeme repaa raayo amo alinu pange narali alinu nimuna yangi mula peme di apo ipulanda. Ande go su ma-koyao-aeme wenaali ma-koyape di pange apo ipulanda.

Neme nina poropedi ali laapo rapalua. Niipuri pirile pange rungulu pape pi akanu yamisipi. Niipuri yai suma epelepe. Gupuma niipumi naare daosani komea pange anderede laapo pange ali ria repopu rupara angele wala eiri pamilipi.

Yapi repo aomare malapu yapina runare Godeme mo ali laapo ma-rekaripa. Gupuma niipu andame wenaali raayo paalame waru komame.

Mo niipumi angele walalo-ainyaloma yai na-epelea. Akepeare niipumi yai epapanayanda sese pia eina puri mepe. Onge ipulu piri ipasinu pange wee ma-aulainyayanda Godeme puri alo pea. Gupuma go su pange niipuna rana pilia alenumi ma-koyainyayanda puri alo pea. Niipuna rana pilia dina go aunu pinya dea.

Go ali laapore ande olipi repana laapo pange ande lamepa laapo. Niipu go su Reali Gode nipuna lee rona aepe. Menda apimi go ali laapo niipu marapaluame pilimindare gore niipuna angaa para repana rala rala epelea. Go au pilia eimiri niipuna yanda runguli ali ma-koyalipi. Gupuma ora lu ma-komalipi.