Popular Bible Verses from Dieimusi 1

Share

Nina Keriso yangonuo, nimi repara la andala einu epeleandare raname komalepape. Akepeare go kendame komala arayapare nena kone rulale ei na-minyapalalindare gore one mone kendanu manda rurumbari pele lo walale.

Nimi mendana rupara epe kone su rekele pi au menda dia deandare gore Gode lora pinya. Godeme ora adea. Akepeare Godeme nipu repara konge leme alenuri pakama yarame komalo ara aloaya.

Nina amenuo, go ei kone waru sialepape. Wenaali raayo angele pangape einare wangepu pangalepape. Go peapare angele yokobo lape einare pawa piruma lape. Gupuma rono pangala ei pange rana komea rono na-pangena.

Neeme go kendanu riaeri polapele ei na-ongelenalape. Go au na-pinyalape. Go au pilindare nena Keriso aunu puri paloma epe rupa ari pele.

Angele komea pangomayapare mo angeleme da au na-pilindare nena gole nee makirade. Kaleme komea pangoma na-giae ora go angeleme da au waru pualepape.

La andala einu ipulu-ainya puri paloma alia alimi raname waru komena. Akepeare nipumi go la andala ei wandualiandare nipumi yangi milia. Go mula pea yangiri ande Godeme nipu raname komeme wenaali repara ada pea endoaya ei.

Pakama midama ora epepe alesinu raayo Epeni andasu naneyame epea. Apa Gode ande kumba danga pange sumba naare laapo wapea alimi gida alenu. Nipuri naare raayosi paa pa puaya. Gupuma paa pi ei rimbada eimi na-ropo pea.

Angele pangomayapare gole na-pia ali nipuri gore wasupana nipuna do pea au andala ali manda. Nipuna do pea au waru andomayapare gole mo wasupa minyapalala pula dinare nipuna do go pe andelore go gole kone rungulada ali manda.

Apa Godeme ora epe Keriso au kone wia eiri go au puaya ali. Kale nongo nakinu andere-aya ei pange waisa wenanu monde kendanu midame ei andere-ao-aeme repaa komea ora Keriso au wademe. Go au pulu ara go suna aunumi nipu ma-koyapanaya nidi puaeme repaa komea ora epe Keriso wenaali.

Ali menda la andala eimi ma-lopaliandare go ni lopalo eiri Godeme ma-pada lo na-lena. Akepeare koae eimi Gode na-ma-lopalia. Gupuma Gode nipumi menda ali lopenaya la andala ei na-adea. Ali menda go au puma lopala ali nipuri nipuna ora meawe o ora pula loma wee pambada aumi ma-lopalia.

Narali alia Keriso alimi Godeme nipuna bi minyasialia dina raname komena. Gupuma Keriso ali menda amo alia ali nipumi pange Godeme nipuna bi minyanialianda pange raname komena. Akepeare amo alenuri na-poae palawasinu manda kapuyo rumbeleme.