Popular Bible Verses from 1 Korindi 13

Share

Pu ada auri kone para ao-aya ei pange epepe aunu pia ei. Mendame epepe aunu pianda yanda dia ei dia pange ako lambi dia aunu dia pange ni koma ora da aunu dia. Rana komea rono pangoma apeape da aunu pange koae enda nala aunu pange yangonu pimi kone na-wimi aunu pange mendame koae aunu piminda yango mula kone wia aunu raayo pu ada au dia.

Pumi yarame komea alimi kenda raayo ruaya pange kone rulairi pa puaya pange Godeme olemole raayo palia kone suaya. Gupuma naare raayo pu yokoria na-pamua aya.

Pu ada aumiri koae aunu repara raname na-komeapare ora epe ree aununa komea raname komea.

Go einare go ale repo pa apo wianda. Go alenuri gonda. Gode repara kone rulada au, Godeme ora pilia kone suma maisambao aya ei, pange pu ada au. Go repo alenuna ora ririna auri gore pu ada au aponda.

Pu ada auri na-peredea. Wenaali para Godeme la ma-ada auri werepenu peredea. Gupuma Epe Yaakopi Sipiridimi la da anda menda angelenu pange werepenu ora peredea. Olemole kone waru wia aunu pange werepe ora peredea.

Neme wenaali repara one mone angele raayo doanda pange ande eindiolonuna angelenu loayo ali aluapare neme pumi yarame komala au na-pula ara, lala pulandare, go angelenu raayo pa alu pilia.

Neme Godeme la gida angele wenaali repara la doa. Neme kundiripu wia aunu pange andola pange neme olemole raayo waru andola. Neme nina kone rulayo eiri ora andaai. Gupuma neme go kana rumu mongo alena popa adoandare manda popelea. Go aunu raayo pula pepare neme yango repara pu ada einda nina rupara na-wiliandare gore niri nina gole niri ale menda dia.

Nina siamba ayo alenu raayore wenaali menda para ale ale puluanda pange nina do ria mendame repana sulana ma-kidianda pange nina rupara pu ada ei na-wiliandare go aunu pulua einumi ni na-rambamilia.

Ni nakisi aripu dinare nina angele lawa ei pange nina kone siawa einu pange nakisimi pia aunu pawa. Go pawapare ni ambia ali arare ande nakisimi pia aunu raayo giaripu.