Popular Bible Verses from 1 Korindi 12

Share

Wenaali raayo epeape einare ande Epe Yaakopi Sipidimiri nipu pi ae loma wenaali rando randona rupara piri waloaya.

Go einare nimi raayo Kerisona do komea arare ande dona kimbu ma-aya alenu komea komea lo aeme.

Go einare dona aya ale mendame rendaa miliandare gore ande dona aya alenu raayome rendaa milimi. Gupuma pange dona aya ale mendanda epe rupa aliandare mo alenu raayome raname komeleme.

Ande Epe Yaakopi Sipiridimi wenaali komea para epe kone ma-siaya ei Keriso repaa repara alenaya alomare wenaali menda parare Godena aunu waru ande ei Keriso repaa repara alenaya alea. Go mendaa Epe Yaakopi Sipiridimiri wenaali mendapare reparare Gode repara kone rulada ei ora andapupe alea. Wenaali mendaparere wenaali yainya komalemenda go repaa nimuna yainya pereyada ei alea. Gupuma go Sipiridimiri wenaali komea parare wenaalinu mendame papenaya aunu pinyayanda puri ada. Gupuma wenaali menda para pange Godena angele walada ei ada. Mendapare repaa reparare Epe Yaakopi Sipiridi repara ipula alenu lo pange koae remo repara ipula alenu lo andenayanda puri aloaya. Gupuma mendapare repaa reparare pa kone na-wi angelenu rando rando angele da ei ada. Gupuma mendapare repaare go kone na-wi rando rando angele da ei lekeda ei ada.

Go einu raayore ande Yaakopi Sipiridi komeamele Keriso wenaali para nipuna rana pea rupa ada.

Go peandare monde dona aya alenu nimuna rekele rekele puma na-aeme. Menda mendame nimuna nimu rambamulolo peme.

Ande gea alenuri rando randoyapare raayo ande Yaakopi Sipiridimi gole pada. Gupuma ande pupudengi nademe einu pange rando randoyapare ande Reali komeana ei nadema. Gupuma ande wenaalinuna andaleme eiri rando randoloyapare go rando rando pupudengi nenayandare komea Godeme gole go rando randolo alea.

Gupuma mo Keriso wenaali Godeme ma-ririyaya ruparare gurupa. Ririna ambala aposolo alinu. Go kou nanere Godena angele loaeme alinu. Go kou nanere olemole waloaeme alinu aeme. Go kou nanere na-andoaeme ei walalo ara puri pale rupa wademe wenaali aeme. Go kou nanere yainya komeme wenaali yainya ma-epeadema wenaali. Go eina kou nanere Keriso wenaali rambamuaeme wenaali aeme. Go eina kou parare pupudengi nenayanda andere-aeme wenaali aeme. Gupumare ande Epe Yaakopi Sipiridimi wada angele menda da repaa aeme. Go wenaali raayo Godeme ma-ainya lea.

Dore komea ale na-aya. Alenda alenda raayo kimbu ma-aoma aya.

Go da eiri ora ei dia. Naana dona kimbuma aya olemole menda para alenuri puri na-palea kone sialemapare go alenu dia da payalore gore naana do puri na-padapa.

Do raayo lee komea dapayalore angele akipuma pangola papae. Gupuma do raayo kale komea dapayalore gore olemole akipuma roropo mulapapae. Dore gurupa dia. Godeme ande dona kimbu ma-aoma rando rando alenu dona nipuna rana pea rupa ainya lea. Dore ale menda na-aya ale pakama do komeyalore gore ana na-pula pa.