Popular Bible Verses from Esuwif i 4

Share

Hirim hite Atambatun huroŋaroŋ jes, abe yooŋ hibajabaj sembe. Hihaŋahaŋ kábura kánokan fe kariyu. Uŋu huyooso bija níbahindaa ti yaan i éfimboore du nu búwejet bu, nu tu súkulinu su sífimboore du ni matoof mu. Iŋi hifeeñal biyinoor beeemo bu tu búwejet bite an, nu doon fe d'ámaŋie káhinu.

Náami útof, utum'úkoleyi kalohu Atambatun Áyi u aa áwufoor ésuk i kajaku koone. O kayubiyen úne, abe n'áwufoor úne yooŋ kajaku koone, kaanuku uŋ'úbin úramee kane úmiñjo.

Asaraha ómbokun u úbaje u, káanukiiit man butumo bunooto ti sílaam site s'úne. Aŋeseeŋes kañakiee ti kaahoofoor kánokan naane úne, bare ahoofoorut mayet.

An ayinaat kánuusu Atambatun doon. Doon fe d'áwuwane, aŋ'ajuk do fuufu te do tálaŋ, abe akina u úja fu kakamu buroon b'úhine bu.

Úbajabaj *asaraha ómbokun, o aamo fu Yesu, Añi ite Atambatun. Akanakan bufor bu eeja t'Atambatun. Náami újok alit tip ti káyilen kite k'úne.

Náami úñiŋkaan man n'úbin úyooso toko t'úware du kayihu, ake t'úne atum'abin ateñeko kájeŋgin Atambatun naane sifaaf úne t'eramba i, abe n'áyoosaati toko.