Popular Bible Verses from Ndzǝr Afisa 5

Share

Akuya ǝni ka gǝr ndzai ndzǝr kǝl sǝr tsǝlɛ aka Hyal, gǝr nam madarni nam tǝ dzǝ yiɗɛ, ba ka gǝr ndzai ndzǝr yiɗǝ ndɛ, apa tǝ Kǝrsti tara yiɗǝ tǝ muri, ba dzǝ ka hamnta kǝrni akuya muri apa sǝr hamnta nam ada sǝwur sǝɗa ba kǝdlǝrsu ala Hyal.

Ka gǝri vǝdzǝ hankal, dzá, whal nam tǝ gǝri ata ndzai—adi apa ndǝ kura bǝrkawa wɛ ama apa ndǝ bǝrkawa. 'Yamɛ kǝthlǝr nam ɓwaltasang akwa kǝlara saka nam tǝ gǝri ɓui, kadǝbar kulɗakur vǝr yarni.

Ta gǝri ta ghǝi aka yimǝr inabi mai, nam ada sǝzǝwati ndɛ. Ata vuiya ǝni, ka gǝri ghǝi aka Mambǝl ni. Ka gǝri ndǝrɛ ala kǝma gǝri aka zabura, har hǝmɛ ba ha yarɛ nǝr mambǝlɛ. Ka gǝri ha aka kuɗahu sǝɗa akwa ɗǝfa gǝri ala Thlaku ni, kǝlara saka ka gǝri hamnta gwaditsǝni ala Hyal Tada akuya kǝlara su, akwa thlǝma Thlakǝr muri Yɛsu Kǝrsti.

Kadǝbar ǝni ta gǝr ta ndzai dlang mai, ama ka gǝri ngaba sǝ nam tǝ Thlaku ada bara.

Sal yarɛ, ka gǝri yiɗǝ mwahyir gǝri, tsu apa tǝ Kǝrsti yiɗǝ ikǝlizǝya ni ba dzǝ hamnta mpikari akuya ka dza

Akuya saka laka gǝri ndzai apa kuthlɛ nǝr vǝri, ama kulini nam tǝ gǝri paktsǝnidzi aka Thlaku ni, gǝri kǝ ndzai apa paraku nǝr tsǝtsi ni. Ani ka gǝri ndzai apa madar paraku ni

Ka gǝri kǝlǝngkǝr ala kǝma gǝri akuya ka hyivǝr Kǝrsti.

Mwahyi, ka gǝri kǝlǝngkǝr ala salǝr gǝri yarɛ apa ala Thlaku ni.

Wala apani, kǝlara ndɛ akwa ntsa gǝri tsuwɛ ntsakǝr ka dzǝ yiɗǝ mwalarni apa tǝ dzǝ yiɗǝ kǝrni, ba mwala ni ntsakǝr ka dzǝ vǝkǝr sǝlai ala salǝrni.

“Akuya ka ǝni sal ata ngyar atǝgǝri aka angǝri ba ka dar paktsǝnidzi aka mwalarni, ba ndzǝ sǝɗǝ ni ata ndzai dzǝ duku.”

Ka gǝr 'ya pǝɗǝm ta kǝthlǝr kuthlɛ nam ɓǝrtu kura paida, ama ka gǝri sǝba aka dar ata babal.