Popular Bible Verses from Ndzǝr Afisa 4

Share

Ka gǝri ndzai aka hankal ba aka kalhur ala kǝma gǝri, ka gǝr kyifǝnta ala kǝma gǝri apa tǝ Hyal tara kyifǝnta ala gǝri atar Kǝrsti.

Ka gǝr tǝrghǝl kǝra gǝri ba ka gǝr ndzai aka kanadi; ka gǝr 'ya kǝmar, ka gǝr ɓati su ala kǝma gǝri akwa yiɗǝdzi.

Ta gǝr ta ngyar ka ndǝr nam kulɗa sǝba akwa nya gǝri yarɛ, ama ka ndǝr nam aka paida nam ada mbana akwa kǝlati ndzǝ apa tǝ dar ada bara, akuya ka dzǝ 'ya paida ala ndzǝ nam ada nga.

Ka gǝr ndǝghǝi aka nya ɗǝwatukur, ghǝrdi ba kǝl ɗǝfu, tsǝdzǝ nya ba gha ndɛ, kaka kǝlara dzǝli bara kulɗakur ata kǝma ngɛ.

Ma ɗǝfa gǝr sǝwa ta gǝr ta 'ya biku, ta gǝr ta ndzai aka ɗǝfu sǝwa-sǝwa har ka tsǝbti ɗǝyir tsǝtsi, ba ta gǝr ta la whalɛ ala Satan.

Ndǝ tsǝlɛ ala gǝri, ata kǝra whal ndzaiyir gǝri watsi, apǝri ka gǝri ngunta dzá gǝri nam halhali nǝr biku ni, nam tara sǝwatǝdzi atar sǝr zǝla nam tǝ dzɛ ada bara yarɛ; ngyar ka Mambǝlǝrni pali whalǝr ɗǝngar gǝri. Ba ka gǝr hadzɛ dzǝ bǝlin ni, nam tǝ ndǝ tara mǝrti ka dzǝ ndzai apa Hyal. Ngyar ka gǝ ndzai ndɛ nam ada 'ya sǝ nam kal-kal akǝma Hyal ba ada panyi ɗǝfari.

Hawamɛ sanga dǝna ka gǝri ndzai aka dukukur nǝr Mambǝl ni atar paktsǝnidzi nǝr ndzai lapiya.

Dzǝ ani tara la ndzǝ laka ka dar ndzai ndzǝr hya yarɛ, ndzǝ laka nabi yarɛ, ndzǝ laka ndzǝr nkǝr ndǝrǝr Hyal nam sǝɗa, ba ndzǝ laka pastau yarɛ ba malǝm yarɛ, ka ɗǝmhǝi ndzǝr Hyal akuya ka 'ya kǝthlǝrǝrni, ani ka dzá Kǝrsti ni kǝlatǝdzi aka dǝna har ka sanga muri ɓui paktsǝnikǝr akwa hamnta dzǝri ba akwa zǝndi Zǝr Hyal ni ba ka muri kǝlí ka tsǝbti apa ndzaiyir Kǝrsti.

Antǝ muri tsu adi ata ɓakta ndzai apa madausai yarɛ wɛ, nam tǝ ndǝ ada zǝla alǝkǝma aka aghǝli atar sǝr tsǝlǝr dar yarɛ nam hawi atar masǝkukur ba dabariyir nǝr ndzi akwa whal zǝla ndǝr dar. Ata vuiya ǝni, ka muri nkǝr dzǝrkur ni akwa yiɗǝdzi, muri ata kǝlí akwa kǝlara whalɛ ka muri dzagǝdzagǝi hang apa Kǝrsti, dzǝ nam ani kǝra dzarni, ani ikǝlizǝya ni.