Popular Bible Verses from Rɔmu Siè 8

Share

Ké dũ kɛ́ bòo míkùi hũn, ɛ̀ Dɔfĩn ɛ́ wóò lɛ́ ɛ̀ bɔ̀tente ɛ̀ temu yí ɓɛ́ nìnbirìe lɛ ɛ́ wɛ hɔpe Dɔfĩn, ɓɛ̀pe lɛ ɛ́ Hɔ́ vɔn ɛ́ ɓáaniɛɓán àá bòo lɛ ɛ́ Hɔ́ wɛ nɛ hɔ wé.

Ɛ́ ń dũ sãàniɛ kɛ́ bòo dɔ̀ ɛ́ yí dɛ̀ kie ɛ́ yá fán ɛ́ lé Dɔfĩn wanminu ǹ wɛ̀. Hɛ̀rí hɔ̀ húmú, hɛ̀rí lè mɛkɛ̃nì, hɛ̀rí ɓɛ̀ mɛlɛkɛɓɛ, hɛ̀rí ɓɛ̀ pànkɛ́ ɓàasiè, hɛ̀rí ɓɛ̀lɛ dàa le ɲunù, hɛ̀rí hɔ̀ zoòni bòo, hɛ̀rí hɔ̀ yìrí bòo, hɛ̀rí hóohũn pànkɛ́a, hɛ̀rí sṹsùnù lɔ̀n pànkɛ́a, hɛ̀rí hɔ̀ bɔ̀míriè bɔ̀ɓuà dɔ̀. Hɛ̀rí bòo dɔ̀ ɛ́ yí dɛ̀ kie ɛ́ yá fán ɛ́ lé Dɔfĩn wanminu wɛ̀; lèpe wanminu lɛ ɛ́ Hɔ́ ɛ́ zɛ̃́niɛ àá kie kè Ɲunsɔ Yiezu Kirisa bòo hũn.

Ɛ̀ bĩní páa yán, ɛ́ lé Mɛkɛ̃n-Sãanu ɛ́ wóò yíiní kie iè hɔ̀ lɛ ɛ́ ké pànkɛ́ ɛ́ mí wɛ̀. Ké den yí dũ Dɔfĩn lɛ wóò hɛ̃nnin àá mí híɛhɔ́ wɛ̀. Kɛ́ lé Mɛkɛ̃n-Sãanu míte ǹ ɛ́ pe wóò hɛ̃un Dɔfĩn ɛ́ lɛ́ kiè ǹ àá tɛmu lɛ ɛ́ nìnbírɔ ɛ́ yí dɛ̀ yá bie wɛ̀.

Ɛ́ ké wo ɛ́ bĩní zɔ́ bie wɛrɛ̀? Kɛ́ Dɔfĩn ɛ́ ɓen wi àá kie, ɛ̀ wieni ɛ́ temu dɛ̀ ɛ́ sĩ́ɓán àá kie?

Ɛ́ kɛ̀a sáalɛ, ɛ́ ɓɛ́ nìnbirìe lɛ can ɓán àá Yiezu Kirisa ɛ́ lìe yá bĩní ɛ́ lè ɛ́ biení lɔ̀n wɛ̀.

Nìnbírɔ lɛ ɛ́ wóò wé mí nìnbí-yáamu bòo à bè bòo hièní, ɛ́ iè húmú wṹn lɔ̀n á wi, kɛ́ á lɛ ɛ́ wóò wé lé Mɛkɛ̃n-Sãanu bòo lɛ ɛ́ Lé ɛ́ cɛ̀ à bè bòo hièní, ɛ́ pe wòó yí lé mɛkɛ̃nì àá lé hũn-wiɛ̀.

Kɛ́ hɔ́pe sí míkùi hũn ɛ́ ké yú hɔ́ pànkɛ́ hĩ́ɔɔn iè ɔ̀pe lɛ ɛ́ wɛniɛ kie ɛ́ te hɔ wɔ́.

Ń dũ kɛ́ lé lɔ̀nbiè lɛ ɛ́ ké wi hũn hɔ̀pe zoòni wihĩ́ lɛ hũn ɛ́ yí dɛ̀ ɛ́ yá mìí ɛ́ màaní àá hɔ́ ɓàarɔ́ lɛ ɛ́ Dɔfĩn ɛ́ ɓén lɛ́ ɛ́ ké ɛ́ wé hũn wɛ̀.

Ɛ́ hɔ́ iè ńɓuò temu dɛ̀ kie ɛ́ fán ɛ́ lí-é Kirisa wanminu ǹ? Iè lè tĩyaarè íé, hɔ̀ hũn-yenkɛà íé, kè lɔ̀n lɛ ɛ́ ɓɛ́ ɛ́ biení íé, hɔ̀ hĩni íé, hɔ̀ ńwétaani íé, hɔ̀ mɛ̀rɔ́ íé, tàá kɛ́ hɔ́ iè hɔ̀ húmú? Hɛ̀rí bòo dɔ̀ ɛ́ yí dɛ kiè ɛ́ yá fán ɛ́ lé piè waminù wɛ̀.

Ɛ́ Dɔfĩn lɛ ɛ́ loo hɔ tĩɛ̀ hũn ɛ́ dũ hɔ bòo lɛ ɛ́ lé Mɛkɛ̃ni ɛ́ wɛ mii hɛ̃un, iè hɔ̀ lɛ ɛ́ lé Mɛkɛ̃ni ɛ́ wóò hɛ̃un Dɔfĩn ɓɛ̀ ńdɛsĩ̀riè bòo hũn kɛ̀a bòo lɛ ɛ́ hɔ́pe Dɔfĩn ɛ́ wɛ.

Ɓɛ̀ nìnbiriè ɓɛ́kùi lɛ ɛ́ wóò lɛ́ ɛ̀ lè Mɛkɛ̃n-Sãanu ɛ̀ teń peɓɛ̀ híɛhɔ́ ɛ̀ dí ɛ́ iè Dɔfĩn nìɛ.

Iè hɔ̀ lɛ ɛ́ ɓɛ́ nìnbirìe lɛ ɛ́ wóò wé ɓɛ́ nìnbí-yáamu bòo ɓɛ̀ wé, ɛ́ wóò wé ɓɛ́ kùrú tĩɛ̀ bòo ɛ̀ ɓɛ̀ bè bòo hièní. Kɛ́ ɓɛ́lɛ ɛ́ iè hɔ̀ bòo lɛ ɛ́ lé Mɛkɛ̃n-Sãanu ɛ́ cɛ̀ ɛ́ ɓɛ́ wóò wé, ɛ́ pe wóò wé lé Mɛkɛ̃n-Sãanu tĩì bòo ɛ̀ ɓɛ̀ bè bòo hièní.

Hɔ̀pe lɛ ɛ́ yí fùansí mí kùrú Zuú, kɛ́ Hɔ́ lɛ́ á ɛ́ ɓɛ́ ɓɔ́ képe kè kùi bòo hũn, ɛ́ ńɓùo temu mii lɛ́ ɛ̀ Hɔ̀ dàá bí páaní lɛ́ hɔ́ bòo míkùi kiè ǹ àá ɔ́pe mí Zuú?

Ɛ́ lépe Mɛkɛ̃n-Sãanu míte ǹ ɛ́ zɛ̃́ní ɛ̀ lɛ́ ké hɛciri ǹ kɛ́ ké iè Dɔfĩn nìɛ. Ɛ́ hɔ́ lɛ ɛ́ ké iè Dɔfĩn nìɛ, ɛ́ ké ɓén yí ké hɔ́n hɔ̀ bòo lɛ ɛ́ hɔ́pe Dɔfĩn ɛ́ lɛ́ mí ɲunù nɛ mí ɓén lɛ́ mí nìɛ ǹ hũn. Ké ɓén páaní ɛ́ yí ké hɔ́n àá ɔ́ Kirisa; iè hɔ̀ lɛ kɛ́ ké ɓen lɔ̀n ɛ́ be àá ɔ́, ɛ́ ké ɓiɛ̀ ɓén páaní ɛ́ kań piè ɓàarɔ́ hũn àá ɔ́.

Ɓɛ̀ nìnbirìe lɛ ɛ́ wóò wé ɓɛ́ kùrú nìnbí-yáamu bòo lɛ ɛ̀ ɓɛ̀ bè bòo hièní ɛ́ iè Dɔfĩn ɓà ńbíyanliè; ɓɛ̀ yáà tɛ̀ hɔ̀pe Dɔfĩn làndɛ́ bòo, ɛ̀ ɓɛ̀ lò yɛ̀rɛ́ yí dɛ̀ hɔ̀ ɛ́ yá tɛ̀ wɛ̀.

Ɛ́ hɔ́ bòo lɛ ɛ́ Dɔfĩn ɛ́ mɛ́ míkùi ɛ́ hìé pɛ̀pɛ̀ ɛ́ nɛ ɓɛ ɛ̀ mi le pɛ̃̀hṹ lɛ ɛ́ Dɔfĩn ɛ́ dàa ɓén zɛ̃́ní mí nìɛ hɔ̀ ɓàarɔ́ hũn.

Ɛ́ ké dũ kɛ́ hɛ̀rí kɛ̀a zoòni ɛ́ hɔ́ bòo lɛ ɛ́ Dɔfĩn mɛ́ míkùi ɛ́ ɲinikɛ ɛ̀ hɔ̀ lò lɔ̀n ɛ́ be kɛ̀a ie hṹnu lɛ ɛ́ te bòo sí.