Popular Bible Verses from Rɔmu Siè 5

Share

Kɛ́ lɛ iè hɔ̀ bòo lɛ ɛ́ Dɔfĩn dàa zɛ̃́niɛ kɛ́ hɔ́ hɛ̀ wɛ kie: pɛ̃̀hṹ lɛ ɛ́ ké dàa hṹn iè bɔ̀konwériè, á Kirisa ɛ́ húrun kè bòo hũn.

Ɛ́ hɔ́pe bòo lɛ ɛ́ ké ɛ́ hìé àá ńdɛsĩ̀nlɔ́ ɛ́ yá ɓén dé lùwiè kie ǹ wɛ̀; iè hɔ̀ lɛ ɛ́ lé Mɛkɛ̃n-Sãanu lɛ ɛ́ Dɔfĩn ɛ́ lɛ́ kiè ǹ ɛ́ dɔ́ hɔ́pe Dɔfĩn wanminu kè tĩɛ̀ hũn cɛ̃̀un.

Kɛ́ hɔ́ lɛ ɛ́ pɔ hɔ míkùi, ké wɛ kete kè lɔ̀nbiè hũn iè hɔ̀ lɛ ɛ́ ké dũ kɛ́ lé lɔ̀nbiè ɛ́ ɓén lɛ́ ɛ́ ké ɛ́ wookɛ ɛ́ cɛ ke kuò. Ɛ́ hɔ́ kuò canlɔ́ ɛ́ wóò ɓen àá hɔ́ ɲún cã̀anírɔ́ lè lɔ̀nbiè hũn, ɛ̀ hɔ̀ ɲún cã̀anírɔ́ ɛ́ ɓiɛ̀ wóò lɛ́ ɛ̀ nìnbírɔ dũń kɛ́ á ɓén yí hɔ́ bòo lɛ á ɛ́ hìé àá ńdɛsĩ̀nlɔ́.

Ɛ́ hɔ́ lɛ ɛ́ Dɔfĩn ɛ́ wo wɔ́ kie àá nìcã̀aníriè iè hɔ̀ lɛ ɛ́ ké dũmuasɛ̃̀ hɔ̀ ǹ, ɛ́ ké wo yú hũn-wiɛ̀ àá hɔ́pe Dɔfĩn kè Ɲunsɔ Yiezu Kirisa bòo hũn. Ápe Yiezu ɛ́ temu lɛ́ ɛ́ ké dàa yú hɔ́ Dɔfĩn hiì iè hɔ̀ lɛ ɛ́ ké dũmuasɛ̃̀, lèpe hiì lɛ ɛ́ ké wo fɛ́sí dɛ̃̀ hũn kɛ̀a sáalɛ. Ɛ́ ké wo wɛ kete iè hɔ̀ lɛ ɛ́ ké dũ kɛ́ ké ɓén mi Dɔfĩn ɓàarɔ́.

Ɛ́ pɛ̃̀hṹ lɛ ɛ́ ké dàa pànkɛ́ ɛ́ hṹn ɲɛùn mí, á Kirisa ɛ́ húrun kèpe bɔ̀konwériè bòo hũn lè yìi lɛ ɛ́ Dɔfĩn nɛ hɔ fɔ́ɓán ɛ̀ hɔ̀ wé hũn.

Ɛ́ piè cãani lɛ ɛ́ koosí ké bòo hũn ɛ́ lɛ́ ɛ́ Dɔfĩn den wo wɔ́ kie àá nìcã̀aníriè; ɛ́ ké wo dũ sãàniɛ kɛ́ ápe Kirisa ɛ́ ɓén fuení kiè ǹ ɛ́ lé hɔ́ Dɔfĩn tĩcĩ̀nín hũn.

Kɛ̀a bòo lɛ ɛ́ nìnbí-cóoní lɛ pɛ̃́ Dɔfĩn ɲunù tɛmu ɛ́ temu lɛ́ ɛ́ nìnbirìe bìkuì dàa wɔ́ bɔ̀konwériè, ɛ́ kɛ̀amu, ɛ́ nìnbí-cóoní lɛ tɛ̀ Dɔfĩn bòo ɛ́ ɓiɛ̀ temu lɛ́ ɛ́ Dɔfĩn ɛ́ dàa wɔ́ ɓɛ́ nìnbirìe bìkuì àá nì-cã̀aníriè.

Ɛ̀ bĩní páa yán, ké wɛ kete cɛ̃̀un Dɔfĩn híɛhɔ́ àpe Yiezu Kirisa bòo hũn, àpe lɛ ɛ́ lɛ́ ɛ́ ké dàa khũ̀a ɛ́ ɲíɓán àá hɔ́pe Dɔfĩn.