Popular Bible Verses from Bɔ̀zɛ̃́níriè 3

Share

Ɛ́ kɔ́ húi, ń lɛ ɛ́ ɓɛrɛ dɛ̃̀ lè zĩínù ɲunù ɛ̀ nìn lè ɓánɓɛ́. Kɛ́ nìnbírɔ dɔ̀ ɛ́ ɲɛ́ niǹ tɛmu ǹ à ɛ́ hɛ́rɛ lè zĩínù ɲunù, ɛ́ nín yòó zɔ ɓàasɔ viì, ɛ́ zɔ́ dí àá ɔ́, à ɓiɛ̀ ɛ́ dí àá mi.

Ń dũ kɔ bòo lɛ ɛ́ kɔ́ wóò wé, ń dũ kɛ́ kɔ́ yí wɛ ɛ̀ kɔ̀ lò yí sɔ wɛ̀. Kɛ́ ń den hṹn cɛ̀ nɛ kɔ wɛ tàá ɛ̀ kɔ̀ soòní. Kɛ́ hɔ́ lɛ ɛ́ kɔ́ wo ɛ́ yí wɛ ɛ̀ kɔ̀ lò ɛ́ yí sɔ kɛ́ kɔ́ den wo dɛ̃̀ tɛ́kùtɛ́kù, ɛ́ ń wo ɓén sĩ́ kɔ ɛ́ líení niǹ ɲunù hũn.

Ǹpe niǹ nìɛ lɛ ń wɛ ɓɛ́kùi ɛ́ ń wóò dàá fĩ ɛ̀ dàá zɛ̃́ní lé wṹn ɛ̀ lɛ́ ɓà ǹ. Ɛ́ kɔ́ pĩ̀iní kɔ́te ɛ̀ kɔ̀ zɛ̀ní kɔ́ tĩì ɛ̀ kɔ́ fùansí hɔ́ bɔ̀koohɛ̃ wénlɔ́ ǹ.

Ń dũ kɔ bòo lɛ ɛ́ kɔ́ wóò wé; ń dũ kɛ́ kɔ́ pànkɛ́ ɛ́ mínɛ cɛ̃̀un wɛ̀, kɛ́ kɔ́ lò den pɛ́wi ɛ́ tɛ̀ niǹ bienù bòo ɛ̀ kɔ̀ ɛ́ yí pĩ́ mi wɛ̀. Ɛ́ kɔ́ húi, ń hɛ́rɛ lè zĩínù ɲunù dɔ̀ ɛ́ dĩ̀niɛ kɔ̀ híɛhɔ́ lɛ ɛ́ nìnbírɔ dɔ̀ ɛ́ yí dɛ̀ yá híɛ wɛ̀.

Álɛ ɛ́ yú hɔ́ pànkɛ́ hɔ̀ bɔ̀koohɔ́ lɔ̀n ɛ́ ń ɓén lɛ́ á ɛ́ páaní kansí àá mi niǹ bɛ́záanú wànlè lɔ̀n, kɛ̀a bòo lɛ ɛ́ ńpe ɛ́ ɓiɛ̀ yú hɔ́ pànkɛ́ ɛ́ ń dàa páaniɛ yòó kɛsí àá kìe Yàá piè bɛ́záanú wànlè lɔ̀n.

Kɔ́ den wóò bie nɛ kɔ́ iè bòo ɓàasɔ, nɛ kɔ́ yú bòo bɔ̀kuì, nɛ bòo dɔ̀ ɛ́ wo bĩniɛ ɛ́ yí yèń kɔ ǹ wɛ̀. Kɛ́ kɔ́ den yí dũ kɛ́ kɔ́ ɛ́ wi le ɲinwiè hũn, ɛ̀ kɔ̀ miinɛ̀ ɛ́ wi, ɛ̀ kɔ̀ bòo dɔ̀ ɛ́ mí, ɛ̀ kɔ̀ iè mui, ɛ̀ kɔ̀ dɛ̃̀ àá kɔ́ bùie kíemáà.

Ɛ́ hɔ́ lɛ ɛ́ kɔ́ can kɔ̀ kuò ɛ̀ kɔ̀ ɓɛ́ɓɛ́a niǹ bienù ǹ sãàniɛ, ɛ́ ńpe ɛ́ ɓiɛ̀ ɓén ɓɛ́ɓɛ́ kɔ ǹ pɛ̃̀hṹ lɛ ɛ́ lé sɛ̃́ɲíi ɛ́ mii dàá ɓen siɛ lé dímíɲɛ́ míkùi lɔ̀n, ɛ̀ dàa siɛ hàaní ɓɛ́ nìnbirìe lɛ ɛ́ wi le sṹsùnù lɔ̀n ɓɛ́kùi.

Ń vaá-ɓen sáalɛ. Ɛ́ kɔ́ ɓɛ́ɓɛ́ hɔ́ bòo lɛ ɛ́ kɔ́ dàa ǹ sãàní, bòo lɛ ɛ́ wé ɛ̀ nìnbírɔ dɔ̀ ɛ̀ bí vúa kɔ́ pànkɛ́ yínlɔ́ sàanín wɛ̀.

Ɛ́ kɔ́ piɛní kɔ́ yìe ɛ̀ kɔ̀ pĩ̀iní kɔ́te, bòo lɛ ɛ́ wé ɛ̀ hɔ̀pe lɛ ɛ́ kɛ́ wi kɔ ǹ ɛ̀ bí hí hĩ́ɔɔn wɛ̀; iè hɔ̀ lɛ ɛ́ ń mɔn kɛ́ mí tɔnlɔ́ ɲunù ɛ́ yí vɛ tí ɛ̀ dɛ̃ mí dɛ̃ǹlén niǹ Dɔfĩn híɛhɔ́ wɛ̀.