Popular Bible Verses from Zaake 3

Share

Kɛ́ hɔ́ ɓen iè hɔ̀ bɔ̀dũmunù lɛ ɛ́ lé àá hóohũn, ɛ̀ hán bòo, hɔ̀ iè bɔ̀dũmunù lɛ ɛ́ ce, ɛ̀ bĩní páa yán, hɔ̀ wóò ɓen àá hũn-wiɛ̀, ɛ̀ hɔ̀ wuawi, ɛ̀ hɔ̀ wóò lɛ́ ɛ̀ nìnbirìe ɛ̀ khũ̀á ɲí ɓán, ɛ̀ hɔ̀ tú àá hɔ́ miinɛ̀ dũnlɔ́ àá hɔ́ bɔ̀tente wénlɔ́, ɛ̀ hɔ̀ yáà wiekɛ nìnbiriè, ɛ̀ hɔ̀ yáà wé ɲɛ-bĩníkɛrɔ́ bòo wɛ̀.

Kɛ́ mí tĩ́ihṹ ɛ́ nìnbírɔ dɔ̀ ɛ̀ líi à nɛ mípe ɛ́ iè bɔ̀dũmunù ɓàasɔ, ɛ̀ mí hɛciri lò wi, ɛ̀ nɛ ɓàasɔ ɛ̀ zɛ̃́ní hɔ́ míte dàarɔ́ lɛ sãa hũn àá bòo lɛ á dàa wóò wé hɔ́ bòo àá te síɛnírɔ́ àá bɔ̀dũmunù hũn.

Ɛ́ ɓɛ́pe lɛ ɛ́ wóò lɛ́ ɛ̀ lè hũn-wiɛ̀ ɛ̀ kań ɓɛ́ nìnbirìe tĩ́ihṹ, ɛ́ iè lèpe hũn-wiɛ̀ ɛ́ ɓɛ́ wóò zì kɛ̀amu. Ɛ́ hɔ́ bòo lɛ ɛ́ ɓɛ́ ɓiɛ̀ wóò mìí ɛ́ iè hɔ̀ bɔ̀werà lɛ ɛ́ cã̀aní.

Ɛ́ viì lɛ ɛ́ lé yanlienú àá lé ńbíyaanún àá hɔ́ hũn lenlɔ́ ɛ́ wi hũn, iè pe viì lɛ ɛ́ hɔ́ ńwékɛkũǹ àá hɔ́ bɔ̀koohɛ̃ àá mí ɲúuhɛ̃ míkùi ɛ̀ ɓiɛ̀ wi hũn.

Lè iè lèpe ɛ́ ké wóò dàá ɓàaní ké Ɲunsɔ lɛ iè kìe Yàá ǹ, ɛ̀ lè lò iè lèpe ɛ́ ké wóò dàá dánkɛníkɛ ɓɛ nìnbirìe lɛ ɛ́ hɔ́pe Dɔfĩn ɛ́ mɛ́ ɛ́ ɓɛ́ lɔ́ɓán àá mí kùrú te. Hɔ̀ dúɓɛ́rɔ́ biehĩ́ àá lé dánkɛ́nín biehĩ́ ɛ́ wóò zɔ lé àá lépe ɲunù dìcóoní hũn. Kìe zɛ̀ɓɛ̀, mì bí nɛ hɔ wóo wé kɛ̀amu wɛ̀.

Ɛ́ lé dìɛnù iè pe ɓiɛ̀ dɛ̃̀ kɛ̀a hɔ́ dṹn. Lè iè miikɛ bɔ̀yàarè dìɛ dɔ̀ lɛ ɛ́ wi ke tɛkɛ̀a hũn. Lèpe ɛ́ te hɔ tɛkɛ̀a míkùi ɛ́ wóò zìɛní àá hɔ́ bɔ̀koohɔ́. Hɔ̀ cã̀ámìnɛ́ dṹn ɛ́ wóò zĩiní lé, ɛ̀ lè ɓiɛ̀ khíi zĩiní-ɛ nìnbírɔ mɛkɛ̃nì míkùi.

Kɛ́ nìnbírɔ dɔ̀ lɛ ɛ́ dɛ̀ mí dìɛnù ɛ́ ɓaà ɛ́ mí wɛ̀. Lè hɛ̀ iè dìɛ lɛ ɛ́ yí sãa ɛ̀ lè yáà kań viì-cóoní wɛ̀. Lè ɛ́ tú àá hɔ́ túurɔ́ lɛ ɛ́ dɛ̀ à nìnbírɔ́ ɛ́ ɓé.

Kìe zɛ̀ɓɛ̀, mì bí nɛ mi tĩ́ihṹ ɛ́ nìnbí-kuì ɛ̀ bie nɛ ɓɛ ɛ̀ wé ɓɛ́ nìnbirìe kɛ̀ránliè wɛ̀. Iè hɔ̀ lɛ ɛ́ mí dũ kɛ́ képe kɛ̀ránliè ɛ́ lìe lènlɔ́ ɛ́ ɓén hiení cɛ̃̀un ɛ́ pɔní ɓɛ́lɛ kɛ́ lìe lènlɔ́.