Popular Bible Verses from Zaake 2

Share

Ɛ́ sí iè pe ɛ́ hɔ́ ńdɛsĩ̀nlɔ́ ɛ́ ɓiɛ̀ dɛ̃̀ kɛ̀amu: hɔ̀ ɓen ɛ́ yáà zɛ̃́ní míte hɔ̀ bɔ̀werà hũn, ɛ̀ hɔ̀ iè bòo lɛ ɛ́ húrun.

Ɛ́ kɛ̀a bòo lɛ á nìnbírɔ tɛkɛ̀a lɛ ɛ́ bɔ́nú ɛ́ mí hũn ɛ́ dàa iè bòo lɛ ɛ́ húrun, ɛ́ hɔ́ ńdɛsĩ̀nlɔ́ lɛ yáà páaní bèɓán àá hɔ́ bɔ̀werà ɛ́ ɓiɛ̀ iè bòo lɛ ɛ́ húrun.

Kìe zɛ̀ɓɛ̀, kɛ́ nìnbírɔ ɛ́ nɛ mípe ɛ́ dàa ńdɛsìnlɔ́ kɛ́ á lò yá hɔ̀ zɛ̃́ní mí bɔ̀werà hũn, ɛ̀ pehɔ̀ tũ̀nú ɛ́ mí lò! Ɛ̀ pie ńdɛsĩ̀nlɔ́ sɔ ɛ́ yí dɛ̀-à ɛ́ yá fuenínin lò.

Kɔ́ dũmuasɛ̃̀ nɛ Dɔfĩn ɛ́ iè dìcóoní, ɛ́ hɔ́ iè bòo lɛ sãa. Ɛ́ ɓɛ́ ńɲíkĩ́nìɛ ɛ́ lò ɓiɛ̀ dũmuasɛ̃̀ hɔ̀pe sí ǹ, ɛ̀ ɓɛ̀ wóò zán ɛ̀ zɛ̃ wɛ̀ wɛ̀.

Ɛ́ wɔ́ khɔn ádɔ̀ ɛ́ zɔ́ bie nɛ ɓɛdɔ̀ ɛ́ dàa hɔ ńdɛsĩ̀nlɔ́ ɛ̀ ɓɛ̀dɔ̀ ɛ́ ɓiɛ̀ dàa hɔ bɔ̀werà. Ɛ́ nín zɔ́ kɔ̃́ní ɓàasɔ nɛ làa: Ɛ́ kɔ́ zɛ̃́ní bòo lɛ ɛ́ kɔ́ ńdɛsĩ̀nlɔ́ dàa dɛ̀ ɛ́ kań kɛ́ kɔ́ bɔ̀werà ɛ́ ɓen bòo mí, ɛ́ ńpe ɓiɛ̀ ɛ́ zɛ̃́ní niǹ ńdɛsĩ̀nlɔ́ niǹ bɔ̀werà hũn.

Ɛ́ Dɔfĩn ɓen mii lè nìnbírɔ lɛ ɛ́ yáà mi ɓá ńkɔhĩ miinɛ̀ lìe, ɛ́ Hɔ́ ɓiɛ̀ ɛ́ yá mi ɓàasɔ miinɛ̀ wɛ̀. Kɛ́ á nìnbírɔ lɛ ɛ́ wóò mi ɓá ńkɔhĩ́ miinɛ̀ ɛ́ pe ɛ́ yí fɔ́ɓán à zán hɔ́ lìe lènlɔ́ wɛ̀.

Ɛ́ mí wo yí loo kɛ́ Dɔfĩn ɛ́ wóò líi nìnbírɔ àá nìcã̀anírɔ ɓàasɔ bɔ̀werà bòo hũn kɛ́ hɔ́ yí ɓàasɔ ńdɛsĩ̀nlɔ́ mí dòonún bòo hũn wɛ̀.

Ɛ́ kɔ́ lò wo loo kɛ́ á Abarahaamu ńdɛsĩ̀nlɔ́ àá piè bɔ̀wera ɛ́ hàarí páaniɛ ɛ́ vɛ ɓánlɔ̀n. Ɛ́ piè ńdɛsĩ̀nlɔ́ ɛ́ hàarí fɛ́sí dɛ̃̀ sãa piè bòo lɛ á hàarí ɛ́ wé bòo hũn.