Popular Bible Verses from Hebereɓɛ 4

Share

Ɛ́ Dɔfĩn bienù den yìe wi ɛ̀ lè lò pànkɛ́ wi. Pelè ɲiɛ̀ ɛ́ wi ɛ́ pɔ khɛ̃́nlé lɛ sɛhĩ́ɛ bɔ̀nbɔ̀ ɲu ɲiɛ̀ wi. Lè wóò fĩ̀-ɛ nìnbírɔ ɛ̀ zɔ piè hũn fúu ɛ̀ zɔ sankɛ piè bɔ́nú àá piè mɛkɛ̃nì ɛ̀ lé ɓán, ɛ̀ lè sankɛ piè hũà sɛ̃̀mɛ̀kɛlénɓɛ̀ àá hɔ́ ńkɔ̀fĩ̀nlɔ́ ɛ̀ lé ɓán. Lè wóò zɛ̃́ní-ɛ nìnbírɔ hũn vànminù àá piè bòo lɛ á wɛ mii wé.

Ɛ́ mí nɛ ke khɛ̃̀ún vɛ lúwiní Dɔfĩn kɛ́ ké fɔnù tɛ́rɛ, Hɔ̀pe lɛ ɛ́ wóò wé mí hiì àá ɓɛ́ nìnbirìe, bòo lɛ ɛ́ wé ɛ̀ Hɔ̀ mi ke miinɛ̀, ɛ̀ Hɔ̀ dàá síiní kie pɛ̃̀hṹ lɛ kɛ́ ké van mɛ̀kóo wi pehɔ̀ ńsíinín.

Ápe khɛ̃́ndàarɔ wì-bɛhɔ́ sɔ lɛ ɛ́ ké dàa ɛ́ yí wìe lɛ ɛ́ yí dɛ̀ kè mìinɛ ɛ́ yá mi pɛ̃̀hṹ lɛ kɛ́ ké pànkɛ́ ɛ́ van yèrɛ wɛ̀. Hɔ̀ yí dɛ̃̀ kɛ̀amu wɛ̀. Àpe kè khɛ̃́ndàarɔ wì-bɛhɔ́ sɔ kùusɔ ɛ́ hɔ́ hàanírɔ́ àá mí ɲúuhɛ̃ ɲúuhɛ̃ míkùi ɛ́ yú kɛ̀a ie ke bòo lɛ ɓà ńmàa, kɛ́ ápe ɛ́ yí wé hɛ̀rí bɔ̀koohɔ́ wɛ̀.

Ɛ́ Dɔfĩn bòo lɛ ɛ́ Hɔ́ mɛ́ míkùi hũn ɛ́ bòo dɔ̀ lɛ dɛ̀ ɛ́ tànkɔ̀ní pehɔ̀ híɛhɔ́ ɛ́ mí wɛ̀. Hɔ̀pe míkùi ɛ́ kɛ wìée hɔ̀pe Dɔfĩn híɛhɔ́ ɛ̀ Hɔ̀ ɛ́ loo hɔ. Ɛ́ Dɔfĩn iè pe ɛ́ ké ɓén yìrí ɛ́ munkɛ ke bòo lɛ ɛ́ ké wɔ́ ɛ́ lɛ́ nin.

Ɛ́ mí lɛ́ nɛ ke ɓɛ́ɓɛ́ hɔ́ ńdɛsĩ̀nlɔ́ lɛ ɛ́ ké bòo ɛ̀ bie ǹ sãàní. Iè hɔ̀ lɛ ɛ́ ké dàa khɛ̃́ndàarɔ wì-bɛhɔ́ lɛ ɲún lì cɛ̃̀un lɛ iè Dɔfĩn Zuú Yiezu. Àpe ɛ́ temu cánkɛ́a hɔ̀ hóohũn ɛ́ van yòó dɛ̃un Dɔfĩn viì.

Ɛ́ mí nɛ ke pĩ̀iní kéte ɛ̀ kè zɔ lepe ńvũùnín sɔ hũn. Mì bí nɛ àdɔ̀ kè tĩ́ihṹ ɛ̀ dĩìní mí ɲɛkɛ̃̀a ɛ̀ bí ɲí bòo kɛ̀a ie ɓɛpe kìe zĩnkĩ́nɓɛ̀ bòo lɛ ɛ́ ɓɛ́ hàarí wɔ́ ɓà ńmàa wɛ̀.