Popular Bible Verses from Kalaasi Siè 5

Share

Kɛ́ lépe Mɛkɛ̃n-Sãanu bòo lɛ ɛ́ lé wóò wé ɛ́ iè lè wanminu àá lé tĩwiɛ àá lé hũn-wiɛ̀ àá hɔ́ hũn-hĩ̀nlɔ́ àá hɔ́ nìcã̀anírɔ mu àá hɔ́ sãamu àá lé ɲún cã̀anírɔ́, àá hɔ́ te wuawinírɔ́ àá hɔ́ te ɓaàrɔ́. Hɔ̀ làndɛ́ ɛ́ yí pĩ́ hɔ́pe sí bòo wɛ̀.

Ɛ́ nin khɛ́ hɔ́ lɛ́ miɛ ǹ nɛ mi fùansí nɛ lé Mɛkɛ̃n-Sãanu ɛ̀ teń mí híɛhɔ́ dí; kɛ́ mí wɔ́ hɔ́, ɛ́ mí yá bĩní ɛ́ bè mì nìnbí-yáamu bòo lɛ hɔ wɛ máahṹ wɛ̀.

Ɛ́ hɔ́ lɛ ɛ́ lé Mɛkɛ̃n-Sãanu ɛ́ temu lɛ́ ɛ́ ké dàa wi ke mɛkɛ̃nì hũn, ɛ́ mí nɛ ke fùansí lépe Mɛkɛ̃n-Sãanu sɔ ǹ ɛ̀ lè teń ké híɛhɔ́ ɛ̀ dí.

Ɓɛ̀ nìnbirìe lɛ bòo ɛ́ sɛ̃̀ à Yiezu Kirisa ǹ ɛ́ ɓáa ɓɛ́ kùrú nìnbí-yáamu àá pehɔ̀ bòo lɛ ɛ́ hɔ́ wɛ cɛ̃̀un àá pehɔ̀ pɔnù bòo lè ɓáalén dã̀anù lɔ̀n.

Ɛ́ hɔ́ nìnbí-yáamu bòo lɛ ɛ́ hɔ́ wɛ ɛ́ ké lò wo dũ: hɔ̀ wóò lɛ́ ɛ̀ ɓɛ̀ nìnbirìe ɛ̀ daaníkɛ ɓán kũǹ, ɛ̀ ɓɛ̀ wé hɔ́ yìrá bòo, ɛ̀ ɓɛ̀ wé hɔ́ lùwiè bòo, ɛ̀ ɓɛ̀ ɓàaní hɔ́ wɛ̃̀hɛ̃ ǹ, ɛ̀ ɓɛ̀ wé hɔ́ híenú bòo, ɛ̀ ɓɛ̀ hán ɓán, ɛ̀ ɓɛ̀ fi ɓán hũn, ɛ̀ ɓɛ̀ dí lé yanlienú ɓán hũn, ɛ̀ ɓɛ̀ tĩɛ̀ ɛ̀ cĩ̀ ɓán, ɛ̀ ɓɛ̀ dí ńbíyaanún ɓán hũn, ɛ̀ ɓɛ̀ sankɛ ɓán, ɛ̀ ɓɛ̀ wiekɛ ɓán, ɛ̀ ɓɛ̀ yìe ɛ̀ lé ɓán bòo ǹ, ɛ̀ ɓɛ̀ wé ɓɛ́ ɲɛkhĩɛɓɛ̃́ɓɛ́, ɛ̀ ɓɛ̀ dí dí ɛ̀ dɛ̀ khíi. Ɛ̀ ɓɛ̀ wóò bĩní wé hɔ́ bòo dɔ̀ lɛ lɔ́ɓán àá hɔ́pe sí. Ɛ́ nín ɲì mì zeǹ lɔ̀n kɛ̀a bòo lɛ ɛ́ ń dàa sɛ̃̀nɛ́hã̀ khɛ́ hɔ́ nɛ ɓɛpe nìnbirìe lɛ wóò wé hɔ́pe bòo sɔ sí ɛ́ yá ɓén yí ɓɛ́ kaǹlén Dɔfĩn bɛ́záanú hũn wɛ̀.

Kìe zɛ̀ɓɛ̀, Dɔfĩn ɛ́ vɔn miɛ bòo lɛ ɛ́ wé ɛ̀ mì teń míte. Kɛ́ mí bí wóo bie nɛ hɔ lɛ ɛ́ mí te míte, ɛ́ mí wo dɛ̀ mì nìnbí-yáamu bòo lɛ ɛ́ hɔ́ wɛ ɛ́ wé wɛ̀. Ńɓùé; kɛ́ mí den wɛní ɓán ɛ̀ mì wóo síiní ɓán.

Iè hɔ̀ lɛ ɛ́ hɔ́ nìnbí-yáamu bòo lɛ ɛ́ hɔ́ wɛ ɛ́ wi mí dòonún àá lé Mɛkɛ̃n-Sãanu bòo lɛ ɛ́ lé wɛ, ɛ̀ lè Mɛkɛ̃n-Sãanu bòo lɛ lé wɛ ɛ́ ɓiɛ̀ wi mí dòonún àá hɔ́ nìnbí-yáamu bòo lɛ ɛ́ hɔ wɛ. Hɔ̀ hɛ̀ wi mí-dòohĩ́ dòohĩ́ cɛ̃̀un, ɛ́ kɛ̀amu, ɛ́ mí wo yí dɛ̀ hɔ̀ bòo lɛ ɛ́ mí wɛ ɛ́ yá wé wɛ̀.

Iè hɔ̀ lɛ á Moyiize làndɛ́ bòo lɛ ɛ́ hɔ́ khɛ́ míkùi ɛ́ wi le bienù dìcóoní lɛ hũn: Kɔ́ fɔ́ɓán ɛ̀ kɔ̀ wɛní mì ńkɔnù kɛ̀a bòo lɛ ɛ́ kɔ́ dàa wɛ kɔ kùrú sɛ̃́hṹ.

Ɛ́ mí bí nɛ ke wé yèncɛ̀riè, ɛ̀ wóo fi ɓán hũn, ɛ̀ yìe ɛ̀ wóò lé ɓán bòo ǹ wɛ̀.

À Kirisa ɛ́ fueniɛ kie ǹ, ɛ́ ké dàa te kéte àá bɔ̀bín. Ɛ́ mí wo fɛ́sí dìń sãaní ɛ̀ mì dàá bí bĩní khũ̀á vɛ zɔ hɔ́ wɔnyáamu hũn wɛ̀.